jæja ég er hætt hér - bloggið er bilað. Það er ekkert sérstaklega gaman að blogga þegar maður þarf sjálfur að setja inn html kóða fyrir hvert bil ! Eniveis - irisomars.blogspot.com og nú ætla ég að reyna að hætta þessu bloggflakki

3 dagar í brottför ...

og ég er svona alveg að verða tilbúin.

Ég ætla ekki að blogga hérna í sumar - eftir að ég þurfti að fara að setja inn öll greinarskil með kóða þá er þetta orðið svolítið þreytt. Kannski kem ég bara sterk inn aftur í haust þá annaðhvort hér eða með aðra síðu (og þá set link hingað inn).

Ég ætla bara að njóta lífsins í sumar og vona að þið gerið slíkt hið sama

Hvítasunnan

Gleðilegan hvítasunnudag (getur maður ekki annars sagt það)

Ég held að ég sé loksins orðin hress - svaf 12 tíma í nótt og nú er ég bara búin að ákveða að ég er ekki veik lengur :)

Það kom loksins úr fyrsta prófinu og ég var mjöööög sátt :) Orri er líka búin að fá úr öllum sínum prófum en hans einkunnir voru svo háar að hann gat ekki fengið þær hærri - hann er snillinn minn :)

2x heilsvikuflensur og 2vikna prófatíð á bara 4 vikum er ekki það besta til að halda manni í formi og óboj ég held ég hafi krækt mér í nokkur auka síðasta mánuðinn : | Ég verð extra sæt í fjölskyldumyndatökunni í næstu viku enda verður líka extra mikið af mér :Þ

Núna eru bara 12 dagar í að ég fari til Mývatns. Ég get samt ekki hugsað svo langt alveg strax. Óla systir mömmu er í heimsókn á Íslandi með fjölskylduna og planið er að kíkja heim í kvöld og kyssa þau og knúsa því þau fara aftur heim á morgun. Annað kvöld verður svo fjölskyldumálsverður og á þriðjudaginn er fjölskyldumyndatakan. Eldsnemma á miðvikudagsmorgun fer svo María til Svíþjóðar :) :(
En þegar þetta allt er búið þá þarf ég að fara að huga að því hvað ég þarf að gera áður en ég fer norður. Það er svona dót eins og að tala við bankann, fara með bílinn í skoðun, selja hinn bílinn og allt hitt sem hefur setið á hakanum svona frá því í MARS ! Svo þarf ég líka að kaupa mér nokkra hluti og pakka :D

Ég ætla ekki að taka fartölvuna með mér norður. Hún er alveg haugabiluð. Ég ætla heldur ekki að kaupa mér nýja fartölvu alveg strax, kannski geri ég það e-n tímann í sumar þegar ég kíki í bæinn en líklegast geri ég það ekki fyrr en ég kem heim í haust. Ég held að ég komist á net þegar ég verð að vinna í gestastofunni en fyrir utan það ekki svo ég er að spá í að vera ekkert að blogga í sumar.

Jæja best að koma sér í að setja tærnar upp í loft og njóta dagsins, það er hvort sem er allt lokað :)

Það er ekkert skemmtilegt við það að vera veikur heima - mér dauðleiðist og mér finnst ég vera búin að upplifa sama daginn 5x : |

Og enn enginn einkunn komin í hús - Hvað er málið með þessa kennara !

Kleenex rúlar

Your mom circulates like a public key - Servicing more requests than HTTP.

Ohh haldiði að mér hafi ekki tekist að krækja mér í flensu í annað skiptið á 3 vikum ! Ég var búin að lofa mér í morgunmatinn á Sunnu og svo er náttúrulega búið að plana mikið með fjölskyldunni en svona er þetta : / Það sem verra er að ég get ekki einu sinni horft á Friends í flensunni - Orri var að skipta um diska í server tölvunni og nú finn ég ekki diskinn sem þættirnir eru á.

Maður getur samt ekki annað en orðið svolítið tölvunörd af því að búa með einu svona sjeníi hence fyrirsögnin sem kemur úr því yndislega lagi So Much Drama in the PhD. Maður er farinn að rífa upp tölvurnar, defragga, fika í kóða og guð veit hvað - nú þarf ég bara að læra að formatta tölvuna og þá hef ég náð hæstu hæðum nördaleika míns

Kennararnir mínir eru ekki alveg að gera sig því það eru komnar 4 vikur frá því ég skilaði fyrsta prófinu og 3 vikur frá því ég fór í annað prófið og ENN er EKKERT komið ! : / : | Þetta er alltaf sama ruglið önn eftir önn ! Ég er búin að vera MJÖG þolinmóð og hef ekkert misst mig á Uglunni en nú fer þetta að verða erfiðara - ég vil bara drífa í að klára þessa önn. Ekki bætir það ástandið að ég er ansi hrædd um að ég sé fallin þroskasálfræðinni en það kemur bara í ljós : S

18 dagar í Mývatn, ég er útskrifuð skyndihjálpari (ætli ég hafi fengið flensuna af því að blása í dúkkurnar :Þ) og það er búið að fata mig upp með landvarðagallanum. Nú vantar mig bara að vita hvernig ég fer rúta/bíll/flug en ætli það komi ekki bara allt í ljós með tímanum.

Jæja nú ætla ég að setja tærnar upp í loft og bíða eftir að Orri komi heim með pepperonihlöllann minn og mjúka snýtipappírinn því nefið á mér er nánast farið að glóa rautt : / Sem betur fer þá hefur fjölskyldumyndatökunni sem átti að vera á miðvikudaginn verið frestað um viku :Þ

Rúdolf kveður

Here goes nothing ...

Í hvert sinn sem ég opna Blogger og ætla mér að setja inn færslu fer höfuðið á mér í baklás um leið og ég set fingurna á lyklaborðið.
Þetta er það sem er í gangi í höfðinu á mér þessa dagana:

• Mig langar í bláber - risaöskju af þeim og helst tvær, svo vil ég skola þau og borða eintóm

Ég er farin að efast um gróðurhúsaáhrifin séu AF MANNAVÖLDUM - Kíkið á heimildamyndina The Great Greenhouse Swindle. Hér er linkur á myndina á YouTube. Hún er í 9 pörtum :)




• Skyndihjálp ! Höfuðið á mér er fullt af skammstöfunum til að muna hvað á að gera ef einhvern hnígur niður eða slasar sig í minni návist á Mývatni - BROS, OLSENA, BSH, VÁSE ... Þarftu að láta hjartahnoða þig?
  
  
• Hljóðbókin A Short History of Nearly Everything - algjör snilldarbók um ALLT frá mikla hvelli til skýjanna og kjarna jarðarinnar ! Veit einhver um aðrar góðar hljóðbækur eða síður til að kaupa þær?
  
  
• Arctic Monkeys !

• Leti - alveg ótrúleg leti ! Eða kannski bara sjálfeyðingarhvöt og streita .. veit það ekki alveg
  
  
• Hvernig verður að koma heim í haust og fjölskyldan öll flutt burt : /
  
  
• Jibbí fín tækifæri til að fara til útlanda :D
  
  
• Djö ég var búin að gleyma hvað það verður bjart SNEMMA á sumrin ! Ég er búin að vera að vesenast með þetta frá því ég man eftir mér - ég bara get ekki sofið í birtu Ég er búin að STÖKKVA á fætur á hverri einustu nóttu frá því ég þurfti að fara að vakna á morgnanna eftir prófin :Þ Ég opna augun, fæ algjört sjokk yfir birtunni og er handviss um að ég sé búin að sofa yfir mig, rétt áður en ég hendist í fötin lít ég á klukkuna og sé að hún er &$#%$/%&# 4 að nóttu til ! (Þetta er búið að gerast 5 sinnum síðustu vikuna !)

• Get ég klónað Orra og tekið annan þeirra með mér á Mývatn?
  
  

Ég vil svo enn einu sinni hvetja fólk til að kíkja á KIVA. Lítill sem enginn aðgangur að fjármagni kemur í veg fyrir að fólk sem býr í þróunarlöndum geti lifað betra lífi ! Chao

Nada

Eitthvað hefur bloggviljinn minnkað síðustu vikurnar svo nú ætla ég að bretta upp ermarnar og fara að gera þetta almennilega :)

Síðasta prófið var á mánudaginn og ég þori ekkert að segja um það hvernig mér gekk í því. Nú er svo leiðinlega biðin eftir einkunnunum hafin - Það eru komnar 3 vikur og 2 dagar frá fyrsta prófinu svo þetta má nú alveg fara að rúlla inn ! Ég byrjaði svo í gær í morgunmatnum á Sunnu. Það er bara ekkert erfitt að vakna svona snemma á morgnanna þegar það er svona bjart úti. Ég er samt reyndar bæði í dag og í gær búin að taka mér nokkurra klst lúr eftir vinnu :Þ Á morgun höfum við systurnar planað að eyða deginum saman og gera eitthvað skemmtilegt. Mér heyrist að stefnan verði tekin á keilu - er ekki opið annars?

Æ kannski ég verði bara svolítið löt að blogga fram í júni - það er nefnilega bókstaflega algjörlega bara ekki frá neinu að segja :Þ

Drekkum vatn - það er svalt

Í dag hef ég lýst yfir fegrunardegi þrátt fyrir að í dag sé síðasti dagurinn fyrir síðasta prófið. Prófaljótan er núna búin að ná yfir heilann mánuð enda er lífið búin að snúast um lítið annað en verkefnavinnu og prófalestur frá því um páskana !
Í dag er komið nóg svo nú sit ég alsæl með ólífuolíu í hárinu - maður verður víst að vökva hárið á sér rækilega svona annað slagið þegar maður fer svona oft í sund ! Ég komst að því þegar ég var með appelsínugula hárið :Þ að ólífuolía er betri en nokkur djúpnæring - maður verður bara að muna að setja sjampóið í hárið ÁÐUR en maður bleytir það :Þ
Önnur mikilvæg verkefni sem á að sinna í dag verða háreyðing, plokkun, naglasnyrting og augnháralitun :Þ Já og fyrir utan allt þetta þá ætla ég líka að sitja sveitt yfir skólabókunum :Þ

Þessi prófalota er búin að vera sú afslappaðasta sem ég hef upplifað og ég veit ekki af hverju - ég hef bara ekki orðið stressuð (ekki að ég hafi ekki ástæðu til þess :/). Fyrir prófið á morgun á ég enn EFTIR AÐ LESA næstum því helminginn af námsefninu - en það reddast :)

Verður maður ekki að segja eitthvað um Evróvisjón og kosningar líka. Fyrst Evró - ég vildi að Úkraína myndi vilja en jæja. Kosningarnar - ég er ekki algjörlega ósátt en ég hefði þó viljað sjá ríkisstjórnina falla. Nú er bara að sjá hvaða moð við fáum úr þessu.

Næstu vikurnar þangað til ég fer til Mývatns eru svo algjörlega pakkaðar.
Ég er enn í heimanámsaðstoðinni í RKÍ og ég byrja að vinna í morgunmatnum á Sunnu á þriðjudaginn og verð þar til mánaðarmóta.
Með fjölskyldunni er búið að plana spilakvöld, systradag, tónleika og myndatöku. Á föstudaginn fer ég á undirbúningsnámskeiði fyrir landverði.
Næstu helgi er ég að fara í útskrift og ég verð líka alla helgina á skyndihjálparnámskeiði fyrir landvarðastarfið.
Helgina eftir það er frábæra móðursystir mín og hennar fjölskylda að koma til landsins og þá verður fermingarveisla og ég hlakka svo til að sjá þau. Næst mun ég þurfa að kveðja Maríu :'( þar sem hún flytur út um mánaðarmótin.
Eftir allt þetta þá ætlum við Orri að vera í vikufríi frá vinnu áður en ég fer norður. Planið er bara að hafa það ósköp kósý og slappa af áður en vinnutörn sumarsins tekur við :)

Best að skella sér í lesturinn :Þ

4 dagar í viðbót : )

Ég er ekkert búin að vera neitt sérstaklega virk í blogginu síðustu dagana enda er nóg að gera. Þrjú próf búin og bara 1 eftir : ) 4 dagar í frelsið : )

Ég er farin að hlakka svo mikið til sumarsins - ég fékk bréf í gær um að það verði haldið undirbúnings og skyndihjálparnámskeið í næstu viku svo þetta er bara alveg að bresta á. Á sama tíma styttist í að öll fjölskyldan mín hverfi af landi brott enda er seinni hluti maí þéttbókaður af fjölskyldugamani :Þ Í dag eru bara 20 dagar í að krúttkjötið mitt hún María flytji og ég er bara varla að fatta það. Það verður svo skrýtið að hafa þau ekki hérna ....

Nú tekur bara við 4 daga lestrarhark - ég skulda svo mikinn lestur í þroskasálfræðinni ! Þvílíkur lúðaskapur.

Þetta er nú ekki merkilegt blogg en ég vildi bara láta vita af mér : )

From Ritz to the Rumble

Hvað get ég sagt - ég veit ekki alveg hvað er í gangi en ég get ómögulega fengið sjálfa mig til að vilja læra. Get svo sem neytt sjálfa mig til að læra en í hnotskurn þá er mér alveg sama (þó mér sé það samt ekki alveg). Flensan setti mig svona útaf sporinu og ég kemst ekki inn á það aftur.

Mig langar svo bara að vera að gera eitthvað allt annað - er komin með ógeð á að vera námsmaður en það er ekki eins og mig langi í 9-5 vinnu rútínuna heldur. Eirðarleysið hefur náð tökum á mér meir en nokkru sinni áður. Mig langar í sól, geta rölt um í sandölum og kjól og borðað kirsuber - af hverju er svo ómögulegt að gera þetta á Íslandi ! Kannski ég hendist bara í kjól og ullargammósíur undir, loðna sandala og borði kirsuber sem kosta 500 kall 10 stykki ! Sjarminn er bara ekki eins (enginn sól sko).

Rúmt ár í viðbót og þá get ég verið komin á einhvern nýjan stað - húsfrú í Bandaríkjunum, bakpokaferðalangur í Asíu, hver veit.

Ég er samt farin að halda að þetta eirðarleysi fari aldrei - ég muni alltaf verða leið á því sem ég er að gera og hreinlega verð að skipta um umhverfi. Hvernig á maður að mennta sig þegar manni finnst einna næst öruggt að manni á eftir að leiðast í því starfi eftir nokkur ár : / Á maður ekki að eyða þessu stutta lífi í að njóta þess - af hverju eru allir að drífa sig svona mikið að festa sig í skuldbindingum ?

Allt í kvefi endalaust ...

Ég hef ekkert bloggað frá því á mánudaginn því ég hef bókstaflega ekki haft neitt að segja - nema ég hefði kannski getað vælt hérna yfir því hvað það er fúlt að vera veikur heima en ég vildi hlífa fólki við því.

Ég er núna loksins mætt í vinnuna en ég er smá hrædd um að ég hefði átt að hafa mig hæga ögn lengur því ég er búin að vera hrútslöpp hérna í vinnunni frá því ég mætti :/ Þetta er að verða ein lélegasta prófavertíð sem ég hef nokkurn tímann staðið í ... :| Næsta próf er á fimmtudaginn og ég er ekki byrjuð að læra fyrir það og síðasta prófið er 14. maí og ég á enn eftir að lesa hálfa bókina ... hmmm ég hef greinilega ekki meiri tíma til að liggja veik upp í rúmi.

Veit einhver hvernig maður ber sig að ef maður vill selja bíl til partasölu? Minn er bilaður og ég vil losna við hann N Ú N A Kvefpestin kveður

Ég var nokkuð sátt við prófið í gær. Ég þurfti ekki að sleppa neinum spurningum og skrifaði svo bara allt sem ég vissi :Þ Þetta er engin 10 og engin 8 en ég næ þessu alveg pottþétt. Ég ákvað að vera bara ekkert að pirra mig á því að vera veik, ég lærði eins og ég gat, henti svo bara í mig tveimur verkjatöflum og stífluspreyi fyrir prófið. Liðið í stofunni hefur samt örugglega haldið að ég væri að missa mig kannski smá af því nokkrum sinnum yfir prófið þá var ég svo þreytt að ég lagðist fram á borðið til að safna smá kröftum :Þ

Jæja þarna kláraði ég orkuna - skrifa meira seinna

Ekki alveg samkvæmt plani ...

Þetta er ég í dag ! Daginn fyrir próf ! Þessi prófundirbúningur hefur gengið alveg ótrúlega illa : / Það kemur víst ekki til greina að taka sjúkrapróf þar sem ég verð á Mývatni um miðjann ágúst

Ég ætla bara að krossa alla putta og vona að ég verði heppin með spurningarnar : |

She's got a ticket to ride ...

Ef ég hafði einhvern tímann hugsað mér að flytja til Noregs þá er ég hætt við það núna. Könnun sem Amnesty International gerði í Noregi leiddi í ljós að 48% karlmanna telja að konur beri að öllu leyti eða hluta ábyrgð á því að þeim sé nauðgað ef þær hafa daðrað opinskátt áður en þær verða fyrir árás - Do I need to say MORE !

Tölvan mín hefur hafið göngu sína út á plankann - hvert sinn sem lokinu er lyft upp þá fæ ég þau skilaboð um að það sé eins gott að ég sé búin að taka afrit af öllu því hvað úr hverju muni hún taka síðasta skrefið út af plankanum - orðin sem hún notar sjálf er imminent sem www.ordabok.is (sem er btw að bjarga lífi mínu fyrir aðeins 990 kr fyrir 3 mánuði) segir að þýði yfirvofandi ! Hún gat ekki haldið út fram yfir prófin ! Ég nota hana enn en er í sífelldum ótta við að fjárans klikkhljóðið byrji að heyrast úr henni og þá veit ég að það næsta sem kemur er blár skjár og allt sem ég er að gera hverfur : /

Ég er að reyna mitt besta til að hugsa ekkert lengra en næstu 3 vikurnar fram í tímann.
Eftir það taka við 3 vikur í morgunmatnum á Sunnu. Ég er alltaf að koma mér í eitthvað sem krefst þess að ég vakni eldsnemma á morgnanna :Þ Mæting í vinnuna kl. 6:30 takk fyrir - En í staðinn er ég búin kl. 14 :)
Svo mun ég þurfa að kveðja Maríuna mína því hún er víst orðin svo stór að Ísland rúmar hana ekki lengur. Svíþjóð verður nýja heimilið og hver veit hvað það eru mörg ár þangað til við munum aftur búa í sama landi :'(
Eftir að hún fer mun ég svo ekki sjá hana fyrr en á jólunum ... það er alltof langur tími :'( Vonandi mun ég svo ná viku kósíheitum með Orra áður en stefnan verður tekin á Mývatn fyrir ALLT sumarið.
Ég mun þó koma heim í bæinn um mánaðarmótin júlí/ágúst til að kveðja pabba, mömmu og Eydísi þar sem þau eru LÍKA að stinga af til annarra landa. Þau munu þó ekki vera nema rétt rúmt ár en að öllum líkindum verð ég flutt af landi brott áður en þau koma aftur : / Hvað er málið með þessa fjölskyldu !
Ég held ég reyni bara að hugsa sem minnst um allt þetta :Þ Allt of stíf dagskrá ...

En já aftur að næstu 3 vikum þá á ég semsagt að vera að hugsa um PRÓF PRÓF PRÓF LÆRA LÆRA LÆRA - þetta er alveg að koma hjá mér ...
Úff ég á eftir að sakna þeirra svo ótrúlega mikið : /
Íris

Harðfiskur er bestur

Þetta er búin að vera hálfundarleg helgi þar sem ég hef setið límd við skrifborðstólinn í heimalokaprófið í heilsusálfræði. Það er bara mun flóknara að taka svona heimapróf en ég hafði gert ráð fyrir. Þegar maður hefur öll gögnin þá veit maður eiginlega aldrei hvenær svarið er orðið nógu gott : / Ég vona bara að ég sé að gera þetta rétt :)

Prófið er til kl. 18 á morgun og ég ætla að nýta tímann allan. Er að svara síðustu spurningunni núna og á morgun ætla ég að fara yfir öll svörin og gögnin við það og sjá hvort ég geti ekki gert enn betur. Ég vil fá HÁTT í þessum kúrsi (þó hann reiknist ekki einu sinni inn í meðaleinkunnina mína) - ég vil geta sýnt þegar ég sæki um framhaldsnám að ég hafi fengið mína hæstu einkunn í heilsusálfræði !

Ég var að horfa á þátt af House um daginn, þar var viðfangið kona sem játaði það skömmustuleg að hafa farið til Caracas og guð hjálpi mér hún fékk sér TATTÚ, drakk VATNIÐ þar og fékk sér MAT sem mögulega var ekki nógu vel eldaður ! Ég hefði greinilega ekki átt að komast lifandi heim miðað við svipinn sem þau settu upp þarna !
Ég svaf utandyra,
var bitin eða stungin af einhverju furðudýri sem olli því að ég fékk svo mikla beinverki í fótinn og bólgnaði svo svakalega að ég gat ekki stigið í hann í 3 daga,
það fannst sporðdreki í íbúðinni sem ég bjó í,
ég var bitinn þúsund skrilljón sinnum af moskítóflugum án þess að fá malaríu,
ég stökk í fossa við landamæri Brasilíu án þess að verða meint af,
lifði á sandskeri í 4 daga bólgin af sólbruna,
drakk óhemju mikið áfengi,
prúttaði við leigubílastjórna (sem rændu mig ALDREI),
notaði almenningssamgöngur (rútur sem voru teipaðar saman :Þ)
skipti á hverjum degi um strætó í einu stærsta fátækrahverfi Caracas,
keypti mat af götunni
og ég er enn á lífi og Svana (sem var með mér úti) lifði það svo sannarlega af að hafa fengið sér tattú og guð hjálpi henni gat í tunguna ! Já það er svo sannarlega ekki allt sem ekkert er vestrænt stórhættulegt ...

En aftur að þættinum þá játaði konan líka að hafa tekið kókaín í nefið af maganum á samkynhneigðum manni en ég veit ekki hvaða máli skiptir HVAR það gerðist né af hverju það skipti máli að hann var SAMKYNHNEIGÐUR !

Mig langaði heil ósköp í göngu með Útivist í dag en ég er víst í prófi og það gengur fyrir :Þ Mig langaði líka heil ósköp á köfunardaginn í sundlauginni minni í gær en hey prófið gengur fyrir ... Bara 3 vikur af þessu í viðbót YES.

Íris með auga sem er að nálgast þrítugt núna

tilgangslausa bloggið

• Mér þykja fjallagrasaflatkökur ekki eins góðar og venjulegar
• Ég gleðst yfir því að það rigni í dag og vona að rigningin haldist til 14. maí
• Ég er í heimaprófi, með hundveikan kærasta og aðgerðarleysisveikina á háu stigi
• Það er allt í drasli
  
• Ég borðaði Minstrels í morgunmat
  
• Ég er að brjálast af ofnæmi og það er bara APRÍL !
  

Ofnæmisins vegna er annað augað á mér búið að vera eins og á áttræðri konu í 5 daga. Í dag er það skárra núna er það svona sextugt !
Annars fór ég í tvær göngur á sumardaginn fyrsta. Fyrst fór ég með Kristínu í Búrfellsgjána og upp á Búrfellið og svo seinna um daginn tókum við mamma göngu um svæðið í kringum Kaldárselið.

Best að reyna að gera EITTHVAÐ af viti : /

Farsímablogg

Eftir að ég týndi gemsanum mínum í febrúar er ég búin að vera í stökustu vandræðum. Ég man ENGIN símanúmer ! Maður er orðinn svo háður tækninni og þegar símaskráin fór með símanum þá komst ég bara að því að ég kann ekki einu sinni númerin hjá mínum nánustu vinum og fjölskyldu. Ég gat ekki einu sinni hringt heim til MÍN ! Ég var í vinnunni og var allan dag að reyna að ná í Orra, hringdi og hringdi heim (að ég hélt). Svo um kvöldið hringdi í mig kona og sagði að það væri búið að hringja í hana margOFT í dag úr þessu númeri (semsagt mínu) - úpposí þá semsagt komst ég að því að ég kunni ekki heimasímann minn : /

Svo var Kristín svo æðisleg að lána mér einn gamlann forngrip - ætli hann sé ekki svona 8 ára gamall :Þ Ég hef ekki haft þolinmæði í að setja neitt í símaskrána. Ætli þetta sé ástæðan fyrir því að símreikningurinn minn hefur frá febrúar farið niður í varla neitt nema þjónustugjaldið :Þ Ég hringi bara í gemsann hans Orra og María því það eru einu númerin sem ég kann og ég hringi frítt í þau bæði.

Um daginn þurfti ég að hringja í vinnuna hennar mömmu, var auðvitað ekki með númerið, hugsaði smá og voilá fékk númer upp í hausinn sem ég var viss um að væri númerið hennar. Nahh þá hringdi ég á gamla vinnustaðinn hennar mömmu í númer sem ég hef ekki notað í svona 5 ár !

Ég ætla að þola þetta fram í júní en ég ætla pottþétt að kaupa mér síma áður en ég fer á Mývatn :Þ Ég vil geta talað við kallinn minn í fleiri klukkutíma (batteríið í þessum gamla dugar bara í hálftíma :Þ)

Íris með bólgna augað o°

Zooooolander

Ég hef mikið horft á America's Next Top Model - mjónur með drama og þættirnir eru hilarious. Það sem ég vil fá núna er America's Next Top MALE Model :Þ Ef þeir myndu bara sprangla um berir að ofan væri það nóg til að fá mig (og restina af kvenkyninu) til að horfa ; ) Semsagt einhvern veginn svona

En betra væri þó ef það þættirnir væru í anda Zoolander - þá gæti maður meira segja horft á með hljóðið á :Þ

Vinna, skóli, RKÍ, æfing, meiri skóla, minni vinna og bara 4 vikur í frelsið sem mun var í 3 mánuði og 2 vikur !

Mývatn 2007

Þá er sumarið 2007 komið á hreint

Ég verð landvörður á Mývatni frá 8. júní til 31. ágúst.

Það verður ekkert úr Venezuela ferðinni þetta árið - vonandi kemst ég bara á næsta ári :)

Í þessu umhverfi mun ég njóta sumarsins

Þetta verður draumurinn sem ég læt rætast í ár

Planið mitt að láta einn stórann draum rætast á ári hefur bara gengið nokkuð vel

2001-2002: Eyddi ári í Venezuela sem skiptinemi

2004: keypti mér íbúð :)

2005: fór hringinn í kringum landið

2006: fór á interrail um Austur og Vestur Evrópu

2007: fæ að búa úti á landi, vera í náttúrunni og láta landvarðadraum minn rætast

Áætlaðar draumarætingar næstu ára eru:

2008: Vonandi Venezuela ferð og heimsreisa með ástinni minni

2009: flytja til útlanda

Jæja best að snúa sér nú að skólabókunum - nefið verður víst þar allt til 14. maí

Nú líst mér vel á ...

Reykjavík ! Græn skref í Reykjavík :) Frítt í strætó fyrir námsmenn, blá tunna undir pappír, það á að bæta strætókerfið og setja upp rauntöluupplýsingar ... Þetta er líka bara brot af því besta :)

Ég tilkynnti það hérna minnir mig í febrúar að ég ætlaði að safna augabrúnum ! crazy - ég hef hér með GEFIST UPP, þær bara vaxa ekki neitt og ég er búin að vera illbrýnd í 2 mánuði ! Mín er búin að panta tíma í vax í næstu viku ! Ekki nóg með það þá ætla ég líka í klippinu enda komnir margir margir mánuðir frá því ég fór síðast :O Beautymission ;)

Loksins í dag fékk ég svo fréttir sem ég er búin að vera að bíða eftir (mjög óþolinmóð :Þ) í 3 vikur. Það var haft samband við mig bæði frá Mývatni og Jökulsárgljúfurs þjóðgarðinum :D Í báðum tilvikum voru þetta bara svona atvinnuviðtöl en kannski mun ég þurfa að velja. Svo nú er ég komin með valkvíða :Þ

Smá hröð sannindi um báða staðina

Jökulsárgljúfur:

Lengra í burtu (tekur þó nokkuð lengri tíma að keyra þetta)

Lengra að fara heim og lengra fyrir Orra að koma til mín

Fleira fólk að vinna á staðnum

Lengri vinnutími yfir sumarið (21. feb-31. ágúst)

Kemst ekki til Venezuela

Stórkostlegt umhverfi

Meiri innivinna

Mývatn:

Mýflugur :Þ

Styttra að fara

Vinnutíminn er styttri (21. júní - 31. ágúst)

Ég get því farið til Venezuela t.d. 17. maí - 17. júní :Þ

4 að vinna á staðnum

Stórkostlegt umhverfi

Meiri útivinna

Ég veit ekkert hverjir af þessum punktum eru gallar, þetta virðist eiginlega vera frábært í báðum tilvikum. Það er nú samt mjög spennandi að hafa möguleikann á því að fara til Venezuela en ég væri þá að fara á tíma þar sem enginn er í fríi.

Hugsi hugs

Neikvæðnin í gær var svo sannarlega hrist úr mér þegar ég fór að hitta heilsusálfræðikennarann minn. Ég fékk þvílíkt hrós fyrir ritgerðina mína og allt verkefnið - ég bara gat varla hætt að brosa þegar ég gekk út úr viðtalinu :Þ Svo skýrðust líka margir hlutir varðandi BA verkefnið mitt svo ég get hætt að spá í þeim :)

Í dag tókst mér að stroka tvo hluti út af Skóla To Do listanum þannig að hann hefur styst (örlítið). Akkúrat núna ætlaði ég að vera að læra en ég er alveg dottin ofan í ferðaheimasíður :Þ Hvað segiði er Síberíuhraðlestinn ekki bara alveg geggjuð eða er Afríka málið? Bhutan er komið næstefst á lista hjá mér núna yfir lönd sem ég ætla mér að fara til yfir ævina (á eftir Japan :Þ)

Það eru ekki nema 9 dagar í fyrsta prófið og prófaandinn er mættur á heimilið. Nú þarf bara að þrífa allt og þvo, kaupa í matinn og þá er hægt að byrja að læra truflunarlaust. Verst að kallinn minn er líklegast fótbrotinn og því algjörlega engin not af honum í tiltektinni : /

Veit einhver hvar ég get keypt stórt heimskort til að setja upp á vegg? Mamma??

Íris í (próf)ferðahug

Neikvæðnisfærsla

Mikið rosalega á ég erfitt með sjálfa mig þessa dagana. Ég þarf að vinna svo mikinn lestur upp, vinna svo mörg verkefni og undirbúa mig fyrir próf en ég er bara algjörlega komin með upp í kok. Páskarnir hefðu verið fullkominn uppvinnslu tími en ég gat ekki neitað aukavöktunum. Tókst að tvöfalda mánaðarkaupið og það veitti ekki af því : / Ég er semsagt að pirra mig á því að ég hafi ekki náð að gera allt sem ég þurfti að gera yfir páskana af því ég var að vinna.

Mig langar svo ekki að lesa og þegar ég sest niður við bækurnar þá reikar hugurinn langt LANGT í burtu og fram í tímann. Þar sem ég er ENN að bíða eftir svari frá Umhverfisstofnun þá hef ég ekkert getað ákveðið varðandi sumarið sem er að koma og það er að gera mig brjálaða ! Hrikalegt að sækja um vinnu og bíða svo 3 vikur án þess að fá já, nei eða kannski ! Ég vil bara fá mitt (nei) svar svo ég geti ákveðið eitthvað. Þolinmæði er ekki mín sterka hlið : Þ

Bloggið mitt er svo algjörlega í rúst, ég þarf að html-a (nýtt orð) öll greinarskil og svona í textann því annars kemur textinn bara í einni runu þegar ég pósta. Ég ætlaði að þrífa og selja bílinn minn um páskana en það var enginn tími. Ég ætlaði að fara í IKEA og koma endurvinnslunni á heimilinu í gang, æfa, taka til og læra - Ég hefði þurft að klóna sjálfa mig : / : ( Djöfull hlakka ég til þegar maður verður hættur í námi og orðið FRÍ fer virkilega að merkja tími sem maður hefur fyrir sjálfann sig en ekki tími til að LÆRA eins og brjálæðingur eða tími til að VINNA eins mikið og maður getur ...

Mig vantar ærlega stóra sprautu af skólastressi til að moka út skólaleiðanum og kæruleysinu.

Það hefur tekið sér ból í mér enn stærri og sterkari ferðabaktería, hún er sko eiginlega risastór ...

Það er samt allt enn á umhugsunarstigi og eins og oft áður þá veltur þetta mikið á ferðafélaganum. Þessi ferð er þó ekki í bígerð fyrir þetta árið heldur verður 2008 fórnarlambið. Þessi ferðabaktería gæti fært mig í lönd þar sem pýramídar hafa verið byggðir, búddamunkar búa og kengúrur hoppa um ...

Nú er bara að sjá og bíða

og ég þarf víst að klára skólann fyrst svo það er eins gott að ég snúi höfðinu á mér í þá áttina svona næsta mánuðinn eða svo.

Öll þessi vinna í páskafríinu hefur skilað af sér ZERO lestri og MUCHO monní. Það breytir þó því ekki að það er próf á miðvikudaginn sem ég á eftir að lesa fyrir, niðurstöðukynning á fimmtudaginn sem á aðeins eftir að klára og ritgerðarskil í heilsunni á föstudaginn sem ég eftir að vinna.

sselB

Gleðilegt súkkulaðifyllerí

ansans

Skrambans

Er komin hálfa leiðina með það að breyta útlitinu á síðunni en ég nenni ekki meiru. Mest langar mig að fá mér lénið www.íris.is :) er komin með leið á höftum og sérsmíðuðum útlitum sem ég kann lítið að breyta : / Er enginn snilli hérna í vefsíðugerð sem langar til að redda mér ; )

Ég er í súperfitun í vinnunni í dag, endalaust dælt í mig pönnukökum, nammi og muffins. Svo vogaði sér e-r að koma hérna inn með páskaegg og gefa okkur og þar sem ég mun meira og minna vera í vinnunni næstu 2 daga þá kemur það í minn hlut að borða það :O ég er að springa !

Hver veit hvað á að standa hérna ...

Er ljótt að gleðjast yfir rigningunni þegar maður þarf sjálfur að vera í vinnunni allan daginn :Þ Ég er alla veganna mjög glöð :D Ég var að spjalla áðan við Rebekku um íbúðir og íbúðaverð og fór í kjölfarið að kíkja á hvað íbúðir sem eru mjög svipaðar okkar (stærð, aldur, staðsetning, skipulag ...) myndu kosta. Sú ódýrasta sem ég fann var á 12,7 milljónir - það er +4 milljónir fyrir okkur ! Flestar voru á yfir 13 milljónum og þær voru líka flestar 10+ árum eldri en íbúðin okkar :O Mikill bónus fyrir okkur og þvílík súperávöxtun á peningnum sem við lögðum í íbúðina í byrjun - en þetta er hrikalegt fyrir fólk sem er að kaupa sínu fyrstu íbúð núna : / Ég fékk loks smá gæðakvöld með Orranum mínum í gærkvöldi. Við vorum bókstaflega varla búin að sjást frá því á þriðjudaginn þó við séum bæði búin að vera á svæðinu. Ég er bara búin að vera í verkefnavinnu og meira og minna í vinnunni svo það var mjög gott að fá að knúsa hann smá. Þessa dagana er Sleep trackerinn hans Orra algjörlega að bjarga mér. Ég þarf að vera mætt í vinnuna kl. 7 og er ekki svo mikill morgunhani að ég stökkvi á fætur af gleði á þessum tíma. Ég man ekki hvort ég var búin að segja e-ð frá þessu undratæki hérna. Þetta er tölvuúr með vekjaraklukku sem vekur mann á þeim tíma sem maður er næstur því að vera vakandi. Það er svo miklu auðveldara að vakna svona - maður bara opnar augun og það er eins og maður sé búinn að vera vakandi heillengi. Best að læra smá...

Vinnupáskar 2007

Í dag er föstudagurinn LAAAANGI. Hann ætlar alla veganna að verða langur hjá mér þar sem ég er nú þegar búin að vera vakandi og vinnandi í 4 tíma og á eftir 3 tíma í vinnunni. Restin af deginum fer svo í verkefnavinnu, vonandi smá sund og ég býst við því að fara dauðþreytt að sofa í kvöld.

Það var nú reyndar ekki svo slæmt að vakna í morgun því ég gisti bara í vinnunni minni :Þ Var að vinna til 23 í gærkvöldi og þar sem ég þurfti að vera mætt aftur kl. 7 þá fékk ég bara að lúlla hérna :Þ Ég er náttúrulega að vinna á besta stað í heimi :) Annars er bara mest lítið að frétta - Þetta verða sannkallaðir vinnupáskar þar sem ég var að vinna í gær 9 tíma, í dag 7 tíma, lau 13 tíma, sun 7 tíma og svo mán 13 tíma = MULTIMONNÍ ! :D ÉG næ því miður samt lítið að læra þar sem það er bara alveg hellingur að gera hérna. Ég er samt komin í svaka sumarfíling af því að vera innan um alla þessa ferðamenn :Þ Ég er að vonast eftir því að komast í smá göngu á sunnudaginn en það verður bara að koma í ljós ... Jæja ætla að gera e-ð af viti Gleðilega páska :D

Mig vantar eitt ofur spark ! Ég er svo ekki að nenna að lesa : S Mig langar út í fjallgöngur, fara til útlanda, sprikla í sundlauginni, fara á bókasafnið, fara með mömmu í búðir og jafnvel taka til og gera eitthvað skemmtilegt - allt annað en það að setjast niður með þroskasálfræðibókina : / Núna er ég orðin ansi óþreyjufull eftir svarinu frá Umhverfisstofnun (þó ég viti að það kemur annað hvort ég næstu dögum eða strax eftir páskana). Ég er bara svo viss um að ég fái nei :( og ég vil helst bara ljúka því af svo ég geti farið að huga að sumrinu ... Æ fjárinn hafi það - ég ætla að fara að lesa ...

Veljum GRÆNT

Í dag sé ég eftir því að hafa flutt úr firðinum því ég myndi endilega vilja geta gefið mitt atkvæði Á MÓTI stækkuninni ! Þetta er stærsta lýti Hafnarfjarðarbæjar og þarf ekkert að verða stærra ... fyrir utan allar hinar GÓÐU ástæðurnar sem þarf varla að endurtaka enn einu sinni - Svo vil ég líka eignast hús akkúrat þarna eftir svona 15 ár þegar ég kem aftur úr námi ;)

Sjáiði bara hvað þetta er flottur staður að búa á ! Ég og Rebekka skelltum okkur upp á Helgafellið áðan :) Ekkert eins gott og að storma upp á fjall með vindinn í fangið ;) Nú er ég bara að reyna að gera upp við mig hvort ég eigi að skella mér í sturtu hérna heima eða hvort að málið sé að fara í sundlaugina og láta þreytuna renna úr sér í pottinum ... Ég á von á svari frá Umhverfisstofnun varðandi landvarðastöðuna í byrjun næstu viku eða strax eftir páska - þá fer loks að komast e-r mynd á sumarið. Eins og mig langar ótrúlega mikið í starfið þá er ég ekkert rosalega bjartsýn þar sem ég gat ekki farið á landvarðanámskeiðið. Ég stefni á að taka það eftir næstu jól. Í næstu viku er leiðinlegasta hátíð ársins - Páskarnir. Mér þykja þeir alveg óþolandi af mörgum ástæðum en þessar ástæður eru helstar

• Búðir eru lokaðar og ég gleymi því alltaf
• Staðirnir sem ég æfi á loka líka og ég kemst ekki á æfingu
• Maður verður að borða súkkulaði og helst mikið af því (sem er náttúrulega einn af kostunum líka ;)) - en páskaegg er súkkulaði á okurverði, ég kaupi mér frekar bara Minstrels !
• Allt dagsskipulagið fer í rúst
• Maður fer í svokallað páskafrí en eins og allir háskólanemar vita þá er það dulbúningur fyrir ofurverkefnaviku þar sem maður situr sveittur við að klára allt sem þarf að skila eftir páskana

Ég held að þetta dugi - páskarnir sökka

Jibbí það eru komin mánaðarmót ! Ísskápurinn var orðinn ansi tómur :Þ

Annars er svo lítið að frétta og segja að ég veit ekki einu sinni af hverju ég er að blogga .... Langar e-n á Bootcamp námskeið? Ég þarf nefnilega að selja námskeiðin sem ég var búin að borga fyrir því ég er of mikill aumingi til að æfa þarna :Þ Beinhimnubólgan gerir bara útaf við mig ... eníhú Vor og blíða - alla veganna í mínum huga, glugginn segir reyndar að það sé rigning úti en hver trúir því Farin í sund

Ferðafiðringurinn er alveg að gera út af við mig ! Er með vorkitl í tánum og langar að vera í flugvél á leiðinni eitthvert - hvert sem er ... Öll fjölskyldan mín er líka að plana sína flutninga til útlanda svo ég er bara abbó :Þ Núna er VORIÐ KOMIÐ, ég er alla veganna búin að segja vetrinum upp. GLEÐILEGT SUMAR :)

Úkí - það er eitthvað undarlegt á seiði ... Í dag eru yfir 100 manns búnir að koma hingað inn, í gær komu 150. Alla vikuna er búið að vera að koma hingað inn fleira fólk heldur en venjulega og það skrýtnasta er að ekkert af þessu liði eru Íslendingar ! Ég vil fara aftur niður í mína 20-30 : ) Annars er mest lítið að frétta - rannsóknin okkar Unnar er LOKSINS komin í gang. Hópurinn minn í réttarsálfræði er líka LOKSINS kominn með efni sem hægt er að nota og ég er LOKSINS farin að lesa : ) Fyrir utan það þá var ég að uppgötva nýtt álegg, spægipylsa með kryddrönd er algjörlega málið !

Annoyed

Í næstu viku þarf ég að gera eitt það leiðinlegasta í heimi - skrá mig í námskeið fyrir næstu önn. Staðan er þannig að súper áhugaverða námskeiðið sem ég ætlaði að taka, klínísk og hugfræðileg taugasálfræði, verður EKKI KENNT ! Ég þarf því að finna bara eitthvað námskeið til að taka í staðinn því ég verð að taka 3 e til viðbótar við BA ritgerðina til að fá námslán : ( og það er ekkert áhugavert í boði :( :( :( Svekkelsi

Ég er að fara að taka BA ritgerðina sem er 8 einingar og ég hafði svo hugsað mér að taka aftur tölfræði I og próffræðina því ég fékk 5,5 í þeim báðum og hækka mig upp. Þessi tvö námskeið gilda ekkert upp í námslánin því ég er búin að taka þau nú þegar ... Þetta er alltaf svo mikið vesen ! Hvað á ég að gera? Möguleiki 1: Taka bara BA ritgerðina og fá mér 50-100% vinnu með og eyðileggja líklegast þannig möguleikana mína á að ná 1. einkunn Möguleiki 2: Verða Wonderwomen og taka BA + námskeiðin tvö og fá mér 50-100% vinnu og eiga algjörlega geðveika 4 mánuði Möguleiki 3: Taka bara eitthvað valnámskeið sem er 3 einingar fá þannig 75% námslán og taka þessi 2 námskeið aftur Held að möguleiki 3 sé sá skynsamlegasti :( Það er mögulega eitt námskeið, taugasálfræði máls, sem ég gæti tekið. Veit samt ekki hvort það skarist um of við hugfræðina sem ég tók í haust ... Takk fyrir að lesa þetta leiðinlega blogg

27, 26, 25, 24, 23, 22 .....

Það var komið að því og loks gerðist það - hið annarlega (gerist á hverri önn) taugaáfall ...

Mín bíður mannhátt fjall af lesefni, próf, skýrsluskil, rannsóknarvinna, ritgerðarskil, verkefnavinna og fyrirlestur áður en önnin klárast .... Það er bara 27 dagar eftir af þessari önn :| 27 dagar í fyrsta lokaprófið ! Hvert í fjandanum fór tíminn ! -Íris sem verður með nefið ofan í bókunum næsta mánuðinn-

Sparta

Ég skellti mér í bíó í gær á myndina 300 - Þar sem myndin fjallar um stríðið milli Spartverja og Persa bjóst ég ekki við neinu öðru en blóði og þvælu eins og gengur og gerist í stríðsmyndum - eeeennn neiheihei. Eins og þið sjáið á myndinni hér að ofan eru þetta 300 myndarmenni með þvottabretti og fótboltamannslæri ! Þeir eru alla myndina bara á nærbuxunum og með skikkju að hnykla vöðvana í bardaga ! Total chick flick skal ég segja ykkur :) Og það var ekki verra að myndin sjálf var bara mjög góð :)

Jebb ég er með thing fyrir Spartverjum !

Grænt er gott

Nú tekur við það sem mér finnst leiðinlegast í öllum heiminum, AÐ BÍÐA. Ég er semsagt búin að skila inn umsókninni minni til Umhverfisstofnunarinnar og nú þarf ég að bíða eftir að fá af eða á ... Ég er reyndar ekkert ofur bjartsýn en held þó í vonina og krossa fingur : )

Það er reyndar alveg ótrúlegt hvað ég á erfitt með að bíða ! Bíða eftir einkunnum, bíða eftir svari og verst af öllu að bíða eftir fólki - enda tel ég það vera hinn versta galla ef að fólk ber ekki virðingu fyrir tíma annarra.

Ég er að vinna í því að koma endurvinnslumálum heimilisins í gang. Ég var voða dugleg fyrst eftir að við fluttum og tók þá allar mjólkurfernur og dagblöð og svona en þetta tók svo mikið pláss að það datt á endanum upp fyrir. Ég hætti bara að taka dagblöðin upp og henti fernunum. En nú er komið nóg af þessari sóun svo ég er að skipuleggja alla endurvinnsluna og svo þarf ég að fara í IKEA og leita að sniðugum lausnum. Það er mjög sniðugt að maður getur sent tölvupóst á sorpa@sorpa.is og fengið senda heim flokkunartöflu fyrir heimilið. Þá fær maður allar upplýsingar um það hvernig á að flokka ruslið. Ég er komin með þónokkra endurvinnsluflokka fyrir heimilið :Þ

Pappír

Sléttur pappi

Bylgjupappi

Gler

Plast

Málmur

Spilliefni

Rafhlöður

Kertaafgangar

Lyf fara til apótekanna

Gler- og plastflöskur, dósir

Þetta er náttúrulega svolítið margir flokkar svo sumt verður hérna upp í íbúð en annað niðri í geymslu. Ég er allaveganna að stefna að því að endurvinna og endurnýta meirihluta alls sem hefur hingað til farið í tunnuna. Ég ætla líka að stefna að því að endurnota meira og kíkja sem oftast í Góða Hirðinn þegar mig vantar eitthvað á heimilið - eldavélin okkar er þaðan, kostaði 8þús kall og virkar eins og gull : )

Ég get ekki ákveðið mig hvort ég eigi að læra eða taka til svo ég er hvorugt búin að gera - held að það væri bara ágætt að taka 20 mín tiltektarskorpu og fara svo í b(r)ækurnar

litla Gunna og litli Jón

Það er nú meiri letin í gangi hjá mér í dag - Ég þarf að gera svo margt og ég er að vinna í því að standa upp frá tölvunni og fara af stað en áður en ég geri það ætla ég að henda inn einu örbloggi :)

• Í dag ætla ég að sendast með umsóknina mína til Umhverfisstofnunarinnar :) svo það kemur líklegast fljótlega í ljós hvort ég verði ferðaskrifstofumær í sumar eða úberlandvörður :Þ Sama hvað verður þá ætla ég að reyna að kreista inn tíma til að fara til Vzla í nokkrar vikur.
• Áður en ég get gert það þarf ég að fara inn í Hafnarfjörð og sækja meðmælin mín frá Sunnu og fara upp í skóla til að prenta út umsóknina (á ekki blek hérna heima : /)
• Ég þarf líka í dag að fara á bókasafnið og skila bókum sem ég er búin að vera með í láni í 2 mánuði - framlengdi þó fyrir mánuði síðan þannig ég skulda ekki nema einn dag
• Ég skellti mér í sund í gær þrátt fyrir að sundcrewið mitt hefði algjörlega beilað ! Hmm synti heilar 12 ferðir á lúsarhraða og fór svo bara í pottinn því vöðvarnir mínir ætluðu svo sannarlega ekki að taka þátt í svona vitleysu og heimtuðu hvíld :Þ
• Megahunkið mitt átti afmæli í gær og ég vil þakka fyrir afmæliskveðjurnar :* : )

Jæja nú ætla ég að hendast af stað - taka kannski smá chill á bókasafninu og glugga í Lifandi vísindi fyrst ég hafði ekki tíma til þess á afmælisdaginn minn (það var nefnilega eiginlega orðin hefð :Þ) Eru ekki allir búnir að skila skattaskýrslunni sinni ;) síðasti dagur á morgun ;) Svo vil ég endilega hvetja þá sem eiga blogg sem ég les til að fara að blogga ! Mig sárvantar lesefni :Þ Thank U and Goodbye

1. göngublogg ársins 2007: Vilborgarkelda - Djúpidalur

Rétt rúmlega 10 komu mamma, pabbi og María og sóttu mig og förinni var haldið á BSÍ. Alls mættu 50 manns í göngu svo rútan var alveg full. Ákveðið var vegna veðurs að ganga gönguna í öfuga átt svo við myndum ekki vera með vindinn í fangið svo keyrt var í áttina að Þingvöllum. Gangan var semsagt yfir Mosfellsheiðina.

Kl 11:30 var svo byrjað að ganga. Hérna erum við alveg í byrjun fyrir utan rútuna: Mamma, María, ég og Pabbi Veðrið var á mörkunum að vera gönguhæft. Það var vindur upp á 10-15 m/s sem blés á okkur allan tíma frá hægri, stanslaus skafrenningur og svona 5 stiga frost sem varð að fimbulkulda í rokinu. Við gengum í 8 tíma í snjó sem náði oftast upp fyrir miðja kálfa, mjög oft var snjórinn dýpri og annað slagið vorum við svo heppin að geta gengið á harðfenni þannig að maður sökk ekki niður en það voru alltaf bara svona 3 skref í einu : / ! Til að gera þetta sem auðveldast var gengið í halarófu og fremst fór fólkið sem var á gönguskíðum (those lucky bastards) og eftir komu þau sem tróðu leiðina.

Þetta var án efa erfiðasta ganga sem ég hef farið í ! og allt við aðstæðurnar spilaði saman í að gera þetta sem erfiðast. Þarna fannst okkur við vera komin rosalangt, litum svo við og þá sáum við veginn þar sem við byrjuðum ekki svo langt frá : ) Gönguhraðinn var líka ansi lítill þarna í byrjun, fórum 3 km á 2 klst. Venjulega í svona færð hefðu 3 km á klst verið gott.

Allt vatn sem var hægra megin í pokunum fraus. Þær flöskur sem við gátum drukkið úr, þar fraus vatnið bara við það eitt að maður fékk sér sopa svo það myndaðist klakabrynja inn í flöskunni og stútnum. Vindurinn var svo kaldur og maður reyndi að hlífa andlitinu sem mest (það var það eina sem var ekki alveg hulið) en þegar vindurinn blés í augun á manni og maður táraðist þá frusu tárin á augnhárunum ! Ég var með vatnspoka í bakpokanum og slöngu út úr honum sem maður getur svo drukkið úr, vatnið í slöngunni var orðið gegnfrosið rétt eftir að við lögðum af stað !

Þarna er ég lengst til vinstri, pabbi og María. Þarna eins og alla ferðina stöndum við með rokið í bakið en það er ekki að sjá á myndinni. Eins og þið sjáið var fólk ekki mikið að láta skína í bert hold :Þ

Þetta var þó gott tækifæri til að prófa allan búnaðinn og ég var mjög ánægð með hann allan ! Það eina sem mig hefði vantað við þessar aðstæður voru algjörlega vindheldar lúffur því þó ég væri í göngufingravettlingum og hnausþykkum tvöföldum flíslúffum þá blés samt í gegn og mann verkjaða í fingurgómana því þeir voru svo kaldir.

Jibbí loksins komin inn á Kóngsveginn en það var leiðin sem var verið að ganga.

Að ganga 8 klst. í snjó er erfitt. Að ganga 8 klst. í djúpum snjó er mjög erfitt. Maður þurfti allan tímann að horfa niður til að sjá hvar maður átti að stíga næst. Svo reyndi maður að stíga alltaf í sömu spor og manneskjan á undan manni því sá snjór var mest þjappaður. Ég held ég þekki núna betur legghlífarnar hjá fólkinu sem var í ferðinni frekar en andlitin á þeim ! Þetta var það sem maður sá mest allan tímann - HVÍTT

Þetta er eins og að vera einn í heiminum Loksins mynd sem sýnir skilyrðin eins og þau voru

Eftir að við vorum búin að ganga í svona rúma 6 klst. var maður aðeins farin að þreytast og farið að langa eftir rútunni. Eftir það gengum við í 2 klst. í viðbót. Þá komumst við að því að rútan gat ekki komið og sótt okkur þar sem hún átti að vera svo við þurftum að labba á móti henni. Ég held að þessi síðasti spölur hafi verið það langerfiðasta, hvert einasta skref tók á og vindurinn var svo sterkur að maður átti erfitt með að halda sér á veginum. Ég fauk tvisvar útaf !

Viltu te? Síðasta matarpásan og það var svo hrikalega kalt. Þarna í bakgrunninn sést Esjan : )

Það var mikil gleði að sjá loks rútuna. Ég er sólbrennd eftir endurkastið af snjónum en alveg ótrúlega lítið þreytt í skrokknum miðað við hvað þetta tók mikið á. Eftir að hafa gengið úti í svona veðri þá skil ég hvernig fólk getur orðið úti ! Maður heldur engum áttum, það eru engin kennileiti og í svona kulda þá er erfitt að hugsa skýrt.

Síðasti spölurinn þar sem við gengum veginn

Myndirnar sýna engann veginn veðurskilyrðin, þegar ég kíkti á þær þá fannst mér bara líta út fyrir að ég hefði eytt gærdeginum í sól og logni :Þ En svona til að taka þetta saman þá voru gengnir 20 km á 8 klst og 20 mínútum : ) Enginn gafst upp en ein kona þurfti þó að snúa við nánast strax í byrjun eftir að hafa fengið sykurfall, ég held að hún hafi verið sótt af sjúkrabíl. Eins og fararstjórarnir sögðu eftir ferðina að fyrst maður komst í gegnum þetta þá erum við formi til að fara í hvaða göngu sem er : )

helgin

Mikið hrikalega líða helgarnar alltaf hratt ! Reyndar líður vikan öll alveg ótrúlega hratt !

Ég átti mjög góða og skemmtilega helgi :) Á föstudagskvöldið skelltum við María okkur á Tapasbarinn :) Við ákváðum í staðinn fyrir að kaupa afmælisgjöf handa hvor annarri að þá myndum við bara bjóða hvor annarri út að borða ;) Við fengum svo góðan mat, humarveislu, kjúkling, snigla, kartöflusalat og kengúrukjöt :Þ Ég á alveg pottþétt eftir að fara þangað aftur ! Laugardagurinn byrjaði á brunch-i hjá Maggý eins og alltaf. Svö hörkuðum við Unnur okkur upp í skóla og kláruðum að búa til spurningalistana og allt sem vantaði upp á rannsóknarverkefnið okkar. Næst tók svo við 2 klst tilhöfun ;) því mín var að fara á árshátíð :Þ Árshátíðin var stórskemmtileg og ég fékk bestu súkkulaðiköku EVER ! Gærdagurinn var svo eiginlega bara svo rosalegur að ég ætla að koma með sér blogg um hann um leið og ég er búin að fá myndavélina mína aftur (sem verður á eftir). Ég, María og mamma og pabbi fórum í göngu með Útivist - 20 km takk fyrir ! Annars er bara kominn enn einn mánudagurinn en hann er þó ekkert eðlilegur því að draumaprinsinn minn á afmæli :D Tuttuguogþriggjaára hvorki meira né minna ! Því miður eru mánudagar ekkert sérstaklega hentugir til að fagna svo við gerum kannski e-ð aðeins seinna :Þ ChAo

Superfly

12 tíma heilsusálfræðiritgerðarmaraþoninu er alveg að ljúka og því miður er ég ekki að klára í fyrsta sæti heldur e-s staðar lengst lengst aftast - Crap ! Mig grunaði ekki að þetta yrði svona mikið vesen, bjóst við að heimildavinnan yrði bara ljúf en hún er það víst aldrei : / Common eru bara ekki gerðar neinar rannsóknir á heilbrigðu fólki ! Ég er alla veganna búin að tala helling um það í ritgerðinni hvaða áhrif hreyfing hefur á heilsu sjúkra svo það verður bara að duga : / : | Ég var að uppgötva það mér til mikillar gleði að þessi margumtalaða árshátíð verður bara hérna nánast við húsdyrnar hjá mér - Það er svona svipað langt að labba í salinn eins og fara á Hlemm :Þ High 5 fyrir því að spara leigubílinn og high 5 fyrir því að geta labbað full heim til mín ! ; ) Ég er búin að sitja svo lengi yfir ritgerðinni að orð hafa misst merkingu sína - ég get ekki lengur lesið textann en hann er svo langt frá því að vera tilbúinn :S Skil í fyrramálið kl. 8:20 takk fyrir ! Kannski að maður fái smá frest og fái að skila eftir hádegið, þá getur maður að minnsta kosti lesið yfir þetta, fengið enn stærri hnút í magann þegar ég sé hvað þetta er ferlegt og verið svo komin með vænt taugáfall þegar ég skilað ... Sounds like a plan : ) Jæja ég er nú reyndar bara að blogga til að drepa tímann - ég er svo góð að ég samþykkti að sækja kallinn inn í Hafnarfjörð kl. 1 *geisp* Skemmtilegar upplýsingar: ég þoli ekki Times New Roman ! GN

Cindy og Ég

Þá erum við búin að halda fjölskylduafmælisboðið - ótrúlegt hvað komast margir fyrir í litlu íbúðinni með smá tilfærslum og tiltekt :Þ

Voðalega verður maður líka þreyttur af því að halda boð ! Ég er algjörlega uppgefin ! Það gæti þó verið eftir sundið - Við María erum sko búnar að spíta í lófana (eða er það spýta?) og erum núna að synda 1250m, planið er að hækka þetta svo upp í 1500m. Morgundagurinn verður undirlagður ritgerðarskrifum þar sem ég þarf að hrista eina 5-10 blaðsíðna heilsusálfræðiritgerð fram úr erminni :) Það tókst svo vel í síðustu viku að þetta hlýtur að ganga líka á morgun :Þ Maður er byrjaður í heilsubreytingarverkefninu í heilsusálfræðinni og það er útskýringin á öllu sundinu :Þ Svo lofaði ég líka að mæta 2-3 í viku í jóga og jafnvel henda inn einni fjallgöngu líka ! Svo þorir maður ekki annað en að gera þetta allt saman því annars þarf maður líklegast að játa syndir sínar fyrir öllum hópnum :Þ Svo var maður ekki búin að segja hvað maður er alltaf fjári heppinn :Þ Í búið er búið (haha) að bætast við sjónvarp og bíll :Þ Fengum þetta fína oldschool sjónvarp frá frænda hans Orra, gamla okkar var svo bilað, gult öðrum megin og blátt hinum megin og svo þetta hátíðniískur sem gat látið hvern sem er missa vitið. Bíllinn kemur frá Maggý ömmu hans Orra, hún var að kaupa sér nýjann :) Þessi fína Nissan Sunny a.k.a Sóley - Svo ég er með þennan fína Hyundai Accent á sölu :D Gæðabíll, fer fyrir slikk og ég mun sjá eftir honum :'( Svona ef einhvern vantar bíl þá er hann nýbúinn að vera á verkstæði og var útskrifaður með því að það væri EKKERT að honum :Þ Mér finnst nú reyndar að Orri ætti að halda númerinu enda passar það svo vel :) Brumminn á hringferðinni 2005 ;) Jæja nóg af bílum Það er árshátíð á laugardaginn eins og ég var búin að minnast á. Ég ætla í þessum fína og flotta, svarta, vel flegna kjól og hvað haldiði ! Ég, í fyrsta skipti á ævinni, er með bólu á BRINGUNNI ! Hún er reyndar voða lítið en SAMT ! Amma hans Orra var svo góð að gefa mér nýja Cindy Crawford sturtusápu ! Ætla að hella henni í ljóta dollu áður en ég tek hana með mér næst í sund :Þ Mér dettur ekki meira í hug til að skrifa nema ER EKKI AÐ FARA AÐ KOMA SUMAR - hvað er málið með marssnjóinn ! Ég er ekki sátt, ég vil komast í opna skó og upp á fjöll !

Ég hef týnt og tapað ótrúlega mörgum hlutum síðustu vikurnar og það er undarlega er allt sem ég hef týnt varanlega hefur horfið þegar ég fer í sund ! Fyrst var náttúrulega buddan góða með símanum og kortunum. Næst fór ég í sund og gleymdi sjampóinu og hárnæringunni og það var e-r búin að taka það þegar ég leitaði næst þegar ég kom. Rándýrt úr Lush : / Svo í gær þá tók sig einhver til og rótaði í handklæðinu mínu og STAL hárnæringunni minni og sturtusápunni ! en var svo góð að skilja nánast tóma sjampóbrúsann eftir ! Djö !! Hvað er að fólki - hver stelur svona dóti ! Sturtusápuna fékk ég í afmælisgjöf, Cindy Crawford, með svo æðislegri lykt ! Ég ætla rétt að vona að karma muni bíta þessa í rassinn ! Það er semsagt kominn tími á verslunarferð í LUSH þar sem allt sem ég keypti síðast hefur bókstaflega horfið úr höndunum á mér ... Annars er nóg að gera þessa vikuna ! Skólinn gefur manni engann grið og fyrir utan það er búið að plana margt og mikið. Kaffihúsaferðir, afmælisboð í litlu íbúðinni okkar, ég er að fara á Tapasbarinn á föstudaginn með minni heittelskuðu Maríu ; ) og eftir það er ætlar hennar heittelskaði að mæta á Hlemm og það verður kannski tekið smá Catan - Á laugardagskvöldið er svo árshátíð Kögunar :D Ég er svo með fingur krossaða og vonast til að komast í göngu á sunnudaginn (ef að þynnkan verður ekki í heimsókn :Þ) Hvernig er það annars þegar maður fer á svona alvöru árshátíð þarf maður ekki að vera SÚPER fínn og sætur ? Er málið greiðsla og förðun eða ég bara að vera svona au natural með krullurnar út í loftið og maskarann á lofti? Svona í lokin vil ég minna á KIVA og það góða starf sem fer fram þar. Ég er núna að styrkja 9 verkefni og þau eru öll að borga til baka á tíma. Fyrsta verkefnið sem ég tók þátt í er búið og ég fékk það endurborgað mánuðum fyrir áætlun : ) Þetta er svo einfalt mál : ) -ÍÓ-

23 ára - farin að leita að gráu hárunum

Ég átti frábæran afmælisdag í gær þó að veðrið hafi komið í veg fyrir upphaflega planið mitt :) Í staðinn fyrir fjallgöngu var bara tekið innanbæjarrölt, í staðinn fyrir gömlu laugina í Hveragerði þá var bara farið í Vesturbæjarlaugina og í staðinn fyrir að fara á Við fjöruborðið á Stokkseyri þá var bara farið á Þrjá Frakka : )

Svo vil ég bara þakka þessum aragrúa sem sendi mér afmæliskveðju : * Hehe smá vandamál að með gemsanum fór náttúrulega öll símaskráin mín þannig að ég veit ekki alveg hverjir allir voru :Þ En takk :D Dagurinn í dag hefur verið mikill rólegheita og leti dagur. Ég ætlaði í 18 km langa göngu ! en veðrið var ekki að leyfa það - Í staðinn var bara annar kózíheitadagur hjá okkur Orra - Við skelltum okkur á Tækni og Vit sýninguna, svo fórum við aðeins á Súfistann í Hafnarfirði, heimsókn til tengdó og svo var farið á American Style því ég var með alveg stórfurðulega þörf fyrir hamborgara ! Siríus

Jammli í dag Jammli í dag Jammli Jammli Jammli í dag : )

Hádegisbrunch, fjallganga, sundferð og svo út að borða :) Þannig ætla ég að eyða deginum Chao

8. mars

Í dag á mín gullfallega og frábæra systir afmæli :) Skvísan er orðin hvorki meira né minna 21 árs ! Í mínum huga verður hún þó aldrei eldri en 18 ára (af því ég held að ég verði alltaf tvítug :Þ)

Til hamingju með daginn sæta : )