áramótabögg2006

Það stefnir í sorglegustu áramót sögu minnar - með eyrnabólgu á báðum, hita og stútstíflaðan haus gerir maður víst ekki mikið af sér :/ Eins og staðan er í augnablikinu er ég búin að drösla mér í mitt fínasta púss, gafst upp á því að ætla til Keflavíkur og ég get ekki ímyndað mér að vera ein heima hjá mér undir sæng á áramótunum - myndi reyndar alveg fíla það ef að íbúðin mín væri ekki algjörlega í rúst og því ekkert gaman að vera hérna : / Það lítur út fyrir að ég kíki aðeins með Orra heim til foreldra hans, fái kannski smá að borða og fari svo bara snemma heim í bælið :S Ég vil ekki heyra neinar hjátrúr um að það hvernig maður hefji nýtt ár setji línuna fyrir árið -glætan !

Áramótablögg2006

Er ekki viðeigandi á síðasta degi ársins að líta yfir farinn veg: Árið2006 Nokkuð viðburðaríkt en þetta var þó furðu róleg sigling :) Fyrstu 5 mánuði ársins naut ég lífsins sem spænskunemi ;) Var með stór loforð um áramótin síðustu að taka skólann af svaka krafti en eftir að geta ekkert mætt i skólann allan fyrsta mánuðinn út af eyrnabólgudjöfli þá var ég bara löt til enda :Þ Sumarið var svo algjör draumur í dós - gaman að geta sagt að á árinu 2006 hafi ég látið stóran draum rætast :) Eftir 2 mánuði á ferðalagi var síðan svo gott að koma heim, sjá Orrann minn og sofa aftur í rúminu mínu :Þ Sálfræðin tók svo við um haustið. Það tók mig laaangan tíma að finna mig þarna aftur en það hófst fyrir rest :) Eyddi svo öllum mínum kröftum í lok annarinnar í að hífa mig upp úr þessum skurði sem ég hafði grafið mér en ég er bjartsýn á að þetta hafi allt farið vel :) Núna á síðasta degi ársins er ég glöð og sátt við lífið, komin með eyrnabólgu AFTUR nákvæmlega ári frá því ég fékk hana síðast og ég ætla rétt að vona að hún verði ekki eins þrautseig og síðast ! Hvað áramótaheit varðar þá hef ég enga trú á þeim andskota og set mér frekar heit á öllum öðrum tímum árs !

Gleðilegt nýtt ár Íris Eyrnabólga

Jólablögg 2006

Jólin 2006 búin og áramótin alveg að sigla í höfn Ég verð að viðurkenna að ég er smá jólablue - verð alltaf svolítið blue þegar eitthvað sem ég hef lengi hlakkað til er komið - og farið. Bústaðarferðin var æði að vanda :) sakna fjölskyldunnar minnar nú þegar (c þau þó á morgun :Þ) Jólin liðu í lakkrístoppaáti, pottaferðum, göngutúrum og mikilli spilamennsku :) Jólagjafirnar sem ég fékk hittu svo sannarlega í mark :D Sumir hlustuðu ekki á það heillaráð mitt að betra væri að ráðfæra sig við aðra fjölskyldumeðlimi um hvað þeir hefðu keypt handa mér svo ég fengi nú ekki bara það sama frá öllum - allir voru nefnilega með sama gjafalistann. Og viti menn núna á ég 3 Ipoda ! og hann var þannig séð tæknilega ekki einu sinni á listanum - var bara inn á drauma mig langar alltaf í svona dót listanum :Þ Semsagt ég fékk það sama frá mömmu og pabba og Orra :Þ Orri gaf mér svo guðdómlega þægilegar náttbuxur sem smellpössuðu við gruuuví nýju ullarsokkana mína frá ömmu hans :Þ Mamma og pabbi voru síðan svo góð við okkur Systurnar á Gullfossi að þau gáfu okkur geggjaðar 66°N loðhúfur (I'm in love) Annað merkilegt af pakkamálum að frétta þá fékk ég: rúmföt, bók, blandara, vefmyndavél og 2 gjafamiða í leikhús. Síðan var kertasníkir svo góður að gefa mér æðislegan slopp frá Helsinki ;) saman með náttbuxunum og ullarsokkunum þá var þetta aðaláttfittið um jólin :Þ Eins og mér er einni lagið þá gat ég náttúrulega ekki annað en tekið stresskast strax í dag ! : | Jólin varla búin og þá fer ég að hafa monníworries :S Ekki af því ég spreðaði um of um jólin (hef aldrei verið jafn hagsýn og í ár :Þ) - nei janúar er ekki góður mánuður fyrir námsmenn :S Það koma lítil sem enginn laun frá desembermánuði (sumir stinga nefnilega af upp í bústað beint eftir prófin :Þ) , bókakaup upp á rúmlega 30þús kall og svo eru jafnvel einhverjar námslánasyndir sem þarf að borga til baka : / En bráðum kemur betri tíð með blóm í haga - Febrúar er alltaf betri :) Ég hef engar einkunnafréttir - því það eru engar einkunnir komnar í hús ! Þetta er alltaf jafn cruel : / Engar einkunnir, refreash takkinn eyðist bráðum upp, námslánin koma ekki inn fyrr en um síðir og maður fær ekki að losna við stressið ! Hvurn fjandann hafa þessi kennarar að gera við 4 vikur til að fara yfir prófin ! Hvernig væri bara að bretta upp ermarnar og hugsa um andlega heilsu og efnahag nemenda sinna, rifja upp hvað þeim sjálfum fannst leiðinlegt að bíða eftir einkunnum þegar þeir voru í skóla, og bara drífa þetta af ! Engar myndir komnar enn - var hundslöpp þegar ég kom úr bústaðnum í gær og ekki lagaðist það við reiðikastið sem ég tók þegar ég kom heim og þurfti að byrja á því að þrífa íbúðina mína eftir svínin sem höfðu eytt tíma sínum þarna í fjarveru minni - KARLMENN ! Minn heitelskaði misreiknaði sig víst aðeins og bjóst víst ekki við mér fyrr en um kvöldið ! Grrr En ég skal reyna að setja inn smá jólajólamyndir í kvöld eða á morgun :) Annars eru frekar óspennandi áramót að líða upp hjá mér:Þ Eftir vinnu á morgun (þarf btw að mæta kl. 7 um morguninn !) ætla ég að skella mér í mitt fínasta púss og bruna í Keflavíkina til að borða með stórfjölskyldunni :) Seinna um kvöldið, líklegast fyrir miðnætti ætla ég svo að bruna í Fjörðinn og vera á hápunkti kvöldsins hjá fjölskyldunni hans Orra. Hvað gerist næst er óráðið en að öllum líkindum verður það bara rúmið góða og svefninn ljúfi því ég þarf að mæta í vinnu kl. 8 á nýársmorgun þar sem ég verð með morgunmat og tek vaktina til kl. 14. Seinna á nýársdag verður svo farið í nýárshangikjöt til mömmu og pabba :) Held ég láti þetta vera gott sem jólabloggið í ár - á svo eftir að skrifa gamlársblogg og fara yfir allt hið stórmerkilega sem ég gerði á árinu 2006 ;) Íris Pétur

I walk the line

JÓL

LOKSINS Loksins Loksins Prófin búin og það sem meira er þá gekk mér bara furðu vel :D Prófið í dag fór líka mun betur en ég hafði þorað að vona og ég held ég gati alveg sagt með 100% vissu að ég muni ná :Þ Ég býst við og vonast eftir milli 6-7 í öllum fögunum. Allt yfir 7 væri ÆÐISLEGT en ólíklegt þar sem vinna mín yfir önnina var með lélegara móti :/ Allt undir 6 mun ég vera ósátt við því ég er búin að vera svo hrikalega dugleg að læra fyrir prófin - Nú er bara að sjá til hvað gerist :Þ Grey Orrinn minn, á eftir 2 próf á næstu 19 klst :/

----------------------------------------------------------------------------------

Ég er búin að skrifa jólakort en ég kemst ekki til að póstleggja þau :) Svo Selma, Sylvía, Sigrún og Stefanía (haha var að hafa fjögur S - Lóa mín gleðileg jól líka ;) Gleðileg jól :D Takk fyrir allt gott og frábært á síðasta ári :) Eina manneskjan sem fær jólakort í ár er Rebekka þar sem hún kom með konfekt handa mér ;) (og fékk jólakort í staðinn ;))

Brosið hefur ekki farið af mér frá því ég labbaði út úr prófinu áðan og verður vonandi bara fast á sem lengst : ) Eftir nokkrar klst. fer ég upp í bústað og fæ að hafa það gott í faðmi fjölskyldunnar næstu 9 daga : ) Loksins er komið að því - smá frí : ) Gleðileg jól öll sömul - Njótiði þeirra vel og ekki missa ykkur í jólastressinu : *

Íris sem er komin í langþráð jólafrí :)

algjört klúður

Úff mér líður eins og ég sé búin að vera að keyra mig áfram á auka orku síðustu daga og allt í einu í dag var hún bara búin. Ég er algjörlega uppgefin - nánast ekkert búin að læra fyrir prófið á morgun og nú er ég bókstaflega dauðhrædd um að falla :'( Vona bara og vona að ég skríði upp í 4,75 :/

1 dagur í viðbót og þá er ég FRJÁLS :D

Af hverju virkar svona vel að berja í hluti sem að ískra, blikka eða gera eitthvað sem þeir eiga ekki að gera ! Ég þarf reglulega að lemja sjónvarpið mitt þegar það er í gangi svo hátíðni ískrið í því stoppi og nú hef ég uppgötvað það að ef ég lem lampann minn þá hættir hristingshljóðið sem að heyrist úr honum. Reyndar virkar ekki að berja í hann til að fá peruna til að glóa en hún virðist bara gera það eftir sínum hentugleika þessa dagana. Síðan ég keypti nýja peru í lampann er þetta búið að vera stanslaust stríð ! Hún virkar bara eftir hentugleika, er með tveimur járnþráum sem stingast inn í lampann og ég þarf sífellt að vera að beygja þá og sveigja til að hún nái sambandi, stinga hálfa leið inn eða bara rétt svo eða alla leið. Fyrir utan allt þetta þá verður kvikindið alveg SJÓÐANDI heitt á nokkrum sekúndum - kannski að það sé orsökin fyrir því að puttarnir á mér eru allir að verða húðlausir ! Djöflapera - og það versta við þetta allt saman er að þegar ég keypti hana þá ætlaði ég að kaupa tvær en konan í búðinni SANNFÆRÐI mig um að ein dugði ! Hvenær sannfærir búðarfólk mann um að kaupa MINNA af þeim - en alla veganna ég hef ekki nennt eða dottið í hug að fara og versla aðra heldur lít ég á þetta sem stríð sem ég ætla svo sannarlega að vinna (ekki nema ég sé USA og peran Írak, þá er þetta greinilega alveg tapað :/) Ohho það rýkur núna úr lampanum :S Peran farin úr - ég tapaði stríðinu ! Skellti mér í sund áðan og guð hvað það er gott ! Kemst víst ekkert meira í sund næstu 10 dagana en í staðinn eru það pottaferðir og göngur "út að hliði" ; ) Mmmm kalkúnn eftir 5 daga og möndlugrautur sem er eitt það besta sem ég fæ ! Hlakka til allt árið að fá mér graut og svo er ég alltaf jafnsvekkt yfir því hversu miklu meira er búið til af sveskjumauki en graut (kannski ég bara búi til risaskammt af graut í ár :Þ). Ég veit ekki af hverju ég er svona róleg í augnablikinu - samkvæmt minni skilgreiningu er ég varla búin að læra fyrir prófið á morgun :O Ég treysti algjörlega á að spurningarnar verði þær sömu og á síðustu 4 prófum og ef ekki - jahhh humm ætli mín bíði ekki eitt sætt FALL : / : | Jæja hérna er smá til að koma öllum í gott skap - maður hefur séð íbúðaauglýsingar þar sem fólk hefur ekkert verið að hafa fyrir því að taka til heima hjá sér. Þetta er þó einum of mikið af því góða :Þ Þessi mynd fylgdi semsagt auglýsingu þar sem einhver vildi selja þvottagrindina sína :Þ Íris sem er búin að borða allt jólakonfektið frá Rebekku og er einum of kokkí fyrir hugfræðiprófið (vill einhver kippa mér aftur niður í grámyglaða raunveruleikann)

6 dagar til jóla :D

Eftir snappelsi gærdagsins þá verð ég nú að koma með eina frekar heilbrigða færslu :Þ Félagssálfræðirprófið var í dag og mér gekk bara ljómandi vel. Skrifaði 15 bls ! af texta og rétt náði að klára á þessum 3 tímum sem við fengum ! Þið getið rétt ímyndað ykkur hversu þreyttur maður verður í höndinni af því að skrifa svona mikið, ég gat varla rennt upp úlpunni né sett lykilinn í skrána á bílnum með vinstri höndinni eftir prófið ! en það er búið að jafna sig :Þ Það er þó ekki mikill tími til að fagna því á miðvikudaginn er enn eitt erfitt próf :| - Hugfræðin. Eftir að vera búin að fá nokkur sjokk í kvöld yfir því hvernig ég ætlaði í ósköpunum að læra efni heillar annar á 1 degi þá var góðhjörtuð manneskja sem að bjargaði mér með því að láta mig fá öll svörin við gömlu prófunum :D Þannig ég ætla að læra þau svör utan og annað kvöld fer ég svo og hitti aðrar góðhjartaðar manneskjur sem ætla að leyfa mér að taka þátt í spjalli um efnið fyrir prófið ; ) Svo krossa ég bara mína putta og vona að þetta fleyti mér yfir 5 og ég nái þessu : / Jebb markmiðið er ekki háleitari en það í þetta sinnið :S Hafið þið annars spáð í pakkningum utan af vörum sem eru bókstaflega óopnanlegar ! Skinkur og allskyns álegg eru oft á þeim lista, það stendur alltaf "Opnist hér" en svo er ekki fræðilegur möguleiki að OPNA HÉR ! Annað sem er líka á þessum lista eru blessuðu prenthylkin í prentarann minn. Maður má þakka fyrir ef að manni tekst að opna pakkninguna án e-s konar vélaklippa ! Já og btw þá kostaði prentarinn minn 2500 kr en bara í þessum mánuði hef ég þurft að kaupa blekhylki fyrir 7500 kall !! Dýrt að vera í prófum : / Kallinn var sendur á stúfana í dag með jólagjafalistann minn og keypti handa mér gjöf - Nú þarf ofurforvitna Íris bara að hafa hemil á sér og kíkja ekki í heimabankann :Þ Hehe í gegnum árin hef ég átt erfitt með að hafa hemil á mér þegar kemur að jólagjöfunum, ætli Selma muni ekki best eftir því - alla veganna ein jólin vafði hún jólagjöfina mína svo vel inn í límband að ég var hálft aðfangadagskvöld að opna hana :Þ Við Orri skelltum líka upp tveim seríum og nú er orðið aðeins jólalegara hér á bæ. Pabbi bjargaði líka jólaskrautinu mínu úr geymsluprísundinni :) Jebb jólin eru að koma hér á bæ Sérstakar þakkir dagsins fær Rebekka fyrir að koma til mín færandi hendi með heimagert konfekt ! Er hægt að biðja um meira :* Veit ekki hversu oft ég hef nauðað í ykkur hérna um að koma með súkkulaði til mín ;) Rebekka greinilega sú eina sem hlustar ;) Buenas - Íris

Hver gefur HÍ leyfi til að eyðileggja jólin?

dauði og djöfull %$#"%/(&/%$#"!"#$%&/()(/&%$#"$%&/U()/&%$#"$%&/()/&%$#"!

Mér finnst eins og ég sé búin að vera hlekkjuð við helvítis skrifborðið í heila eilífð og ég er bara búin að fara í 1 próf !! Ég á 2 eftir, er búin að vera að læra fyrir prófið á morgun í 4 daga en er samt bara búin að undirbúa mig fyrir 70% af prófinu og það ekki einu sinni almennilega :( og ég hef ekki einu sinni getað byrjað að læra fyrir prófið sem er á miðvikudaginn ! Ég hef semsagt tímann frá 16:30 þegar prófinu líkur á morgun til 9:00 á miðvikudagsmorgunn til að læra allt námefni annarinnar í hugfræði - í sannleika sagt langar mig bara að leggjast í gólfið, henta tölvunni út um gluggann, tæta niður glósurnar mínar og GRENJA af pirringi. Ég er svo pirruð út í sjálfa mig að það hálfa væri nóg, pirruð yfir að hafa verið svona mikill slugsi í allan vetur og pirruð af því það koma jól eftir viku og ég hef varla haft tíma til að taka eftir því að það sé desember :| Þessi desembermánuður er hér með úrskurður sá ömurlegasti frá því ég fæddist. Svo finnst manni allir vera búnir í prófum ! helvítis !! Jæja útrásin búin - maður getur víst bara gert það besta úr þessu, ætla að halda áfram að þylja upphátt ritgerðarefni (btw valdi bara 11 af 26 og krossa mína putta í von um að hann geri ekki stórar breytingar á prófinu í ár). Eru engir sálfræðinemar sem lesa þetta blogg og eru til í að segja mér að ástandið sé jafn súrt hjá þeim???

Íris Grýla

one little riddle

Ég gleymi aldrei töffaranum sem mætti eitt sinn í Smárabíó á LOTR rétt áður en myndin átti að byrja. Á þessari sömu sýningu voru 10-15 manns sem nota hjólastóla og þau höfðu mætt xtra snemma til að geta fengið efstu sætin því það eru engar tröppur að þeim. Hann fór inn í sal og kom út aftur brjálaður af því að það voru bara laus sæti í fremstu röð. Hann heimtaði að við myndum FÆRA lamaða fólkið ! Ég sagði honum að hann gæti labbað út eða farið aftur inn og sest þar sem væru LAUS sæti - hann var ekki sáttur en fór og horfði á myndina Jebb sumt fólk er FÍFL Galbi - ekki fá ykkur grænmetisréttinn : / Þetta var ekkert spes. Íris sem á enn eftir að læra helling fyirr prófið á mánudaginn :|

viðhorfsmiðhorf

Fyrst ég var svona dugleg að blogga tvisvar í gær verð ég þá ekki að minnsta kosti að blogga einu sinni í dag :Þ Fátt merkilegt að gerast hérna á Rauðarárstígnum, nefið lítur varla upp úr bókunum, glósunum, tölvunni eða hvar sem námsefnið er. Tók á það ráð í dag að lesa bara allar glósurnar upphátt fyrir sjálfa mig - hefði átt að detta það fyrr í hug því það virkar assskoti vel. Bakið á manni er þó orðið ansi ósátt við alla þessa setu og lélegu stellingar býst ég við því ég er að drepast á milli herðablaðanna - er nú orðin ansi vön því, þetta virðist gerast alltaf þegar ég fer í lokapróf í sálfærði :Þ Skellti mér þó í sund í dag og synti mína 1100 metra. Sundlaugin gamla er svo æðisleg, mér dettur ekki í hug að nenna ekki þangað :Þ Annars var allt rafmagnslaust þegar ég kom heim úr sundinu, hér er það þó svo skrýtið að rafmagnið fer ekki alveg af heldur var svona oggusmá týra á öllum ljósunum, hefur eitthvað með volt eða whatever að gera :Þ Við karlinn ætlum að taka okkur smá lestrarpásu annað kvöld, fattaði það að ég fer á miðvikudaginn og þangað til verð ég bara lærandi og lærandi og hann líka svo við ætlum að gefa okkur annað kvöld eftir kl. 20 til að fara saman út að borða á Galbi. Galbi er kóreskur grillveitingastaður þar sme mér skilst að maður steiki matinn sinn SJÁLFUR :Þ Ég svo elska að prófa nýja og frumlega veitingastaði svo þetta ætti að vera skemmtilegt. Það verður þó átak að láta stressið ekki eyðileggja kvöldið, maður virðist ekki geta gert neitt þessa dagana án þess að hugsa í sífellu um það að maður ætti nú frekar að sitja yfir bókunum : / Jebb 5 dagar í að þessari vitleysu sé lokið og 5 dagar í bústaðinn :) Ég held sönsum þangað til :Þ ÍÓ Út

Blogg2 í dag

Hehe jæja búin að fara í yoga og svartsýnin er flogin út um gluggann - tók mig líka til og endurskipulagði lestrarplanið og ég ætti alveg að komast yfir þetta allt saman :Þ

Fékk email áðan sem tilkynnti mér (til mikillar gleði) að ferðaáætlun Útivistar kemur út á morgun :D Þá get ég farið að hlakka til Útivistarræktarinnar sem byrjar í mars (og Rebekka með ;)) og farið að spá í ferðir sumarsins. Planið fyrir sumarið er að ganga á Hvannadalshnjúk og Heklu. Hekluferðin er venjulega í byrjun júlí svo ég ætti að ná henni áður en ég fer út. Hvenær gengið er á Hvannadalshnjúk veit ég ekki en ef ég næ ekki þeirri göngu þá ætla ég að taka einhverja jöklagöngu í staðinn - Mamma það er bannað að beila ! Svo eru náttúrulega aðalgöngufélagarnir mínir allir að flytja til útlanda næsta vor og sumar :( Kannski að Rebekka og Kristín taki bara við ;)

Hvannadalshnjúkur

Hekla

Svo ætla ég bara að fara að ákveða dag fyrir Oslóferðina um leið og ég er búin að fá námsáætlanir næstu annar í hendurnar og sé hvar ég finn glufu til að stinga af til útlanda :Þ

Og ég er bara varla að ná því ennþá að ég sé að fara til Venezuela næsta sumar ! Í lok júlí verða komin 5 ár frá því ég kom heim :Þ Ótrúlegt hvað tíminn líður -set inn nokkrar myndir hérna af hinum og þessum stöðum sem maður var á :Þ Útsýnismynd yfir Caracas

El Hatillo - svakalega fallegur hluti borgarinnar en ég fann enga almennilega mynd. Skólinn sem ég var í er held ég einhvers staðar þarna fyrir ofan á myndinni :Þ

El Ávila - líklega fyrsta fjallið sem ég labbaði upp á sjálfviljug :Þ

Parque del Este :) Æðislegur garður í miðri borginni þar sem maður flatmagaði heilu og hálfu dagana undir pálmatré :)

Sabana Grande - markaðsgata sem ég eyddi líka alveg ótrúlega miklum tíma (og líklegast peningum líka) á

Sambil, risa moll, 2 bíó, keila og við Svana þurftum kort til rata aftur út í fyrstu skiptin :Þ

Altamira

Ohhh svo góðar minningar :D hehe jæja nóg af nostalgíunni :Þ Er málið ekki að klára lesefni dagsins :Þ Ég virðist bara ekki geta hætt að hugsa um sumarið (síðasta eða næsta) á meðan ég er að reyna að halda einbeitingunni við bækurnar :Þ LaNegrita

Íris

Í eina og hálfa viku hef ég varla gert neitt annað en að stara á bækurnar mínar og tölvuna til skiptist. Mér finnst alltaf vera dimmt og ég veit sjaldnast hvað klukkan er. Ég get ekki beðið eftir því að komast í jólafrí ! Mig langar í plokkun, fara úr íþróttabuxunum, gera mig sæta og fína og hitta eitthvað fólk, bara eitthvað fólk - því einu samskipti mín við umheiminn þessa dagana eru í gegnum msn : / Bara 6 dagar í viðbót - bara 6 dagar af magapínandi stressi þar sem ég er alltaf viss um að ég muni aldrei ná að komast yfir þetta allt fyrir prófið, hvað þá læra þetta allt ... guð hvað þetta verður gott frí ! Hlustaði á Kósíheit par exelans áðan og mundi þá að það eru að koma jól, svo er ekki að sjá hvorki hérna heima né á lögguplaninu sem er hið frábæra útsýni sem ég hef. Orkuskot á alla sem enn eru í prófalestri ! Íris (sem er svo ekki að nenna meiru)

arko tsaksó

Skrítið hvernig suma daga er maður bara eins og undin tuska, orkan enginn. Ég er búin að vera þannig í dag : / Ég er nú samt búin að vera sitjandi yfir bókunum allan daginn en afköstin hafa verið með lélegasta móti : ( Ég er bara svo hrikalega orkulaus, allt sem ég geri virðist bara vera í slow-motion, kemst bara ekkert hraðar en það :Þ Ég skellti mér þó í sund áðan og syndi 1000m : ) Frá því ég fór fyrst mánudaginn í síðustu viku er ég búin að 4x vegalengdina :Þ Það er svo ótrúlega afslappandi að synda, hvað þá þegar maður er að læra undir próf ! 11 dagar til jóla og mér finnst bara ekkert vera að koma jól, það er ekkert skraut hérna heima, ég fer varla út úr húsi nema bara rétt til að kaupa smá í matinn eða æfa og heyri heldur enginn jólalög. Finnst það svolítið leiðinlegt, sérstaklega í dag þegar mig vantar greinilega smá hressingu ... Ætli maður reyni ekki bara að læra til svona 22, skelli sér snemma í rúmið og fái góðan nætursvefn og vonandi verður maður ferskari á morgun. Maður má ekki við mörgum svona dögum þegar maður þarf að leggja á minnið svona svaka magn eins og ég þarf að gera næstu vikuna : / :Þ Íris hin þreytta

One down

Síðustu vikuna er ég búin að fletta svo mörgum blaðsíðum að húðin á vinstri þumli og vísifingri er farin af ! Fyrsta prófið búið og nú eru tvö eftir : ) Ég er bara nokkuð sátt með undirbúninginn og prófið sem ég tók í dag, get með sanni sagt að ég hafi gert mitt allra besta til að bæta upp kæruleysið í vetur. Ég taldi saman stigin sem ég er með alveg pottþétt og veit að ég er alla veganna búin að ná : ) Farin að læra

Jesús Kr. Jósefsson

Nú er loksins farið að koma að þessu - 2 dagar í fyrsta prófið :)

Ég get eiginlega ekki beðið eftir því að klára þetta próf. Eftir það hefst svo svaka törn fram til 18. des þar sem ég þarf að læra fyrir 2 stór próf í einu : / Ég veit ekki hvað ég var að spá í allan vetur en það er nokkuð ljóst að næsta önn verður ekki svona. Ég er skráð í 21 einingu svo það verður bara enginn tími fyrir slugs. Ég er líka í svo skemmtilegum námskeiðum og mig hlakkar svo til :Þ Ég er að fara í Skynjunarsálfræði, Þroskasálfræði og Heilsusálfræði (sem er náttúrulega alveg frábært :)) Fyrir utan þetta er ég svo að fara að skrifa BA-ritgerðina mína :/ Mig langar svo að vinna með einhverjum en ég er enn félagalaus. Planið er að taka fyrir eitthvað úr heilsusálfræðinni :Þ Annars er ég búin að nýta þennan prófalesturstíma til að plana utanlandsferðir næsta árs - Er þetta ekki besti tíminn til þess :Þ Núna er það eiginlega komið fast að ég fer til Venezuela annað hvort um miðjan júlí eða í byrjun ágúst og ég ætla að vera 3-6 vikur. Svo er ég búin að ákveða að skella mér einhverja helgina milli feb-apríl til Noregs að heimsækja Per í Osló. Það er svo ódýrt þarf bara að borga flugið og svo mat :) Annar í aðventu og jólaskrautið mitt er enn læst inni í geymslu - Lykillinn er týndur svo ég bara kemst ekkert inn þannig kannski verður bara ekkert jólaskraut hjá mér þessi jólin. Ég skreyti bara bústaðinn enn betur í staðinn :Þ

Farin í sund

Harkan6

Tók þennan útfyllingarleik af síðunni hennar Evu - sjáum hvað kemur út úr þessu ...

Opnunaratriði: Hold on 2 Happiness - Mugison Þegar þú vaknar: Kirsuber - Nýdöns Fyrsti skóladagurinn: Local God - Everclear Að verða ástfanginn: I'd ask - Mugison Slagsmálalag: When you are gone - The Cranberries Að hætta saman: Everlong - Foo Fighters Árshátíð: I Can't Go For That - Hall and Oates Lífið: Life on Mars - David Bowie Andlegt áfall (taugaáfall): Scar Tissue - Red Hot Chilli Pepper

Að keyra: The Flower of Carnage - Meiko Kaji

Afturhvarf (Flashback): Nioghts in White Satin - Moody Blues Að taka aftur saman: Rock Wit U - Alicia Keys Brúðkaup: Nothing Else Matters - Metallica Fæðing barns: Hedonism - Skunk Anansie Lokabarátta: Pusher Man - Curtis Mayfield Dauðaatriðið: White Ladder - David Gray Jarðarfararlag: Step Out - Oasis Lokalag (credit listi): Dynamite! - The Roots

Jebb þetta yrði semsagt lagalistinn í bíómyndinni um lífið mitt ;) Hehe mér líst vel á Local God fyrir fyrsta skóladaginn og Live on Mars fyrir lífið :Þ Annnars er ég komin í gott form eftir léttvægt taugaáfall gærdagsins, var alveg hundpirruð yfir að missa heilan lesdag af því ég var að vinna. Ég hef alltaf getað lært í vinnunni en það er greinilega ekki að ganga svona fyrir próf :/ svo ég reddaði mér fríi fram að jólum og nú get ég bara einbeitt mér að bókunum. Ætla þó að taka mér pásu í dag og skella mér í aðventuboð til m+p :D fá gott að borða og hitta frábæru fjölskylduna mína - Mér skilst að það ætli bara ALLIR að mæta svo ég tími ekki að sleppa því :) AiKoN

nei nei nei nei ég bara nenni ekki að lesa meir

Ó nei ég held að heilinn minn sé að brenna YFIR Ég er að læra og læra og læra og læra fyrir próffræðiprófið en eins og kallinn spyr út úr þessu þá er ALLT til prófs. Á gömlu prófi sem ég var að skoða þá er t.d. eins spurning um mann sem er bara fjallað um á 7 línum ! 7 línur af 565 blaðsíðum af lesefni ! Ég er að reyna að hugsa sem MINNST um að vera að fara í próf og bara sem MEST um að læra bara og læra. Það var líka bara allt í einu eins og öll einbeiting og orka hefði flogið út um gluggann því ég stend varla í fæturnar fyrir þreytu og hreinlega get ekki beðið eftir því að þessi vinnudagur verði búinn svo ég geti farið heim og farið svo snemma að sofa Því miður allt of lítill lestur í dag : / sem er ekki gott þar sem ég hef ekki mikinn tíma á morgun þar sem ég er að fara í aðventuboð hjá mömmu og pabba og ég tími sko ekki að sleppa því :) Fæ alltof sjaldan tækifæri til að vera með stórfjölskyldunni minni ! Íris sem er með tár í augunum eftir alla geispana

It's just a ride

Ég sit hérna með brauð með banana og eitthvað svakalegasta deja vu ever nema þetta er kannski ekki beint deja vu heldur urmull af ótrúlega góðum minningum : ) María á algjörlega heiðurinn að þessum rétti í mínum huga og í allt sumar á ferðinni borðuðum við fátt annað þá daga sem við vorum sem mest í lestunum. Brauð með banana, volgt flöskuvatn og nektarínur :Þ

Í hvert sinn sem ég fæ mér bita og loka augunum kemur eitthvað skemmtilegt upp í hugann. Troðfulla búðin í Gdansk þar sem við keyptum fyrsta ferðabananann en fyrsta bananabrauðið var þó borðað í Köben:Þ Lestarferðin til Ceske Budejovice þar sem ég var þreytt og grumpy og alveg að drepast úr ofnæmi og elsku besta systir mín bjó til bananabrauð handa mér :Þ Við vorum með landabréfabók með okkur og lítinn vasahníf og þetta var skurðbretti og brauð og bananahnífur alla ferðina. Ég man líka eftir strákunum sem voru með okkur í lestinni frá Zagreb til Split sem fannst bara það undarlegasta í heimi að borða brauð með banana en þeim fannst brauð með hunangi algjört lostæti :Þ

Fyrsta bananabrauðið í kóngsins Köben

Gdansk - búnar að kaupa banana :Þ

Í lestinni á leiðinni til Varsjár

Hin ofurfjölhæfa landabréfabók - virkaði líka sem spilaborð

María heldur fast utan um brauðið og bananann - Nóttin fræga á ganginum á leiðinni til Zagreb

Sama nótt, ég á svefnplássinu mínu með nektarínurnar og greinilega smá snickers :Þ

Sarajevo og við búnar að kaupa brauð og banana (veit ekki með skrítna svipinn ;))

Belgrad, Serbíu, við að bíða eftir lest 8 klst í brottför og við áttum engann pening eftir og bara þennan mat að borða :Þ

Ein besta ferðanóttin - brauð og bananar á borðinu og þessa nóttina gátum við RÉTT ÚR OKKUR - þvílíkur lúxus :Þ Komumst líka loks í sturtu þennan dag eftir að hafa verið á ferðinni í 4 daga :) Jafnast ekkert á við að vera drulluskítugur og illa sofin á ferðalagi.

My sister and I - Í Austurríki enginn banani né brauð þarna ;)

Jebb prófin eru greinilega að valda smá nostalgíu hérna : ) Prófunum fylgir svo líka að ég verð auðvitað að fara að spá hvernig ég ætla að eyða næsta sumri. Planið só far (og kallinn meira segja búinn að samþykkja það) er að skella mér til VENEZUELA :D Spurning hvort að maður bæti þarna inn í e-s konar túr í S-Ameríku (ekki búin að spyrja kallinn hvort hann nenni að vinna fyrir því líka :Þ) Nú vantar mig bara ferðafélaga, Marían mín verður víst nýflutt til Sverge og hefur nóg að gera við að koma sér þar fyrir svo ég efast um að hún sé game í S-Ameríkuferð svo ég spyr?? Anyone sem er hæfilega afslappaður og kærulaus, óhræddur og skemmtilegur :) Jæja það er búið að taka mig örugglega hálftíma að skrifa þetta blogg :Þ Varð auðvitað að fara í gegnum allar myndirnar frá sumrinu :Þ Ágæt að taka hugann af bókunum og prófinu sem ég er að fara í eftir 5 daga !

Ithink

Próf próf próf Próf próf próf Jebb hvað getur maður sagt skemmtilegt þegar maður starir bara á bækurnar allan daginn - Jahh kannski ekki allan daginn því ég varð auðvitað að taka niður allann þvottinn sem ég þvoði í gær og tók btw 6 snúrur niðr'í kjallara og svo var ég búin að dreifa úr nýþvegnu tuskunum út um alla íbúð :Þ Já tuskurnar - þegar ég setti þær í vélina í gær þá ákvað ég að skella með ljósbláu laki og fleiri svona í ljósbláum dúr svona bara til að spara tímann. Ég hugsaði að lakið væri svo ljóst að það myndi nú ekkert lita. Hmmmm núna á ég 20 ljósbláar tuskur :Þ Í dag eru 2 vikur í jólabústaðinn :D og þá semsagt líka 2 vikur í síðasta prófið mitt : / Úff ég get ekki hugsað svona langt, ég á nóg bara með þetta fyrsta próf. Mér finnst þó ég hafi verið búin að lesa alla bókina að þá sé ég að frumlesa allt efnið því ég mætti varla í þessa tíma alla önnina : / Eftir það próf hef ég 6 daga fram að hugfræðinni sem er næsta næsta prófi og svo er 2 dagar á milli hugfræðinnar (þess næst síðasta) og Félagslegu sálfræðinnar (þess síðasta) ... Úff ég svitna bara í lófunum af stressi við það eitt að skrifa þetta : O Anda inn anda út Fyrst að maður er að aga sig þessa dagana til að sitja og lesa þá ákvað ég að nú væri rétti tíminn til að fara að mæta aftur í jóga - Ég skil aldrei þegar ég mæti af hverju í fja***** ég tek svona letitímabil og mæti ekki nett, ég held að það sé bara ekkert betra í heiminum en jóga. Svo fékk ég þessa bráðsnjöllu hugljómun á sunnudagskvöldið. Málið er að þegar ég bjó í Hfj. þá synti ég í Suðurbæjarlauginni og líkaði það mjög vel. Svo þegar ég flutti í Reykjavík þá byrjaði ég að synda í Laugardalslauginni en ég bara fíla ekki laugina - 50m laug, langt að labba að sundlauginni og þeir höfðu þann leiða vana þá að salta klakann með GRÓFU salti Eníveis hugljómunin var sú að fara í Sundhöllina og synda þar, hún er miklu nær. Svo fór ég á mánudaginn og ég svíf á sæluskýi, mmm besta sundlaug ever :) svo núna getur maður loksins farið að synda aftur. Það er þó kostur og ókostur að þarna er bara innilaug; fínt að þurfa ekki að vera úti í frosti og vonda veðrinu en í staðinn fær maður engann lit :Þ Farin að lesa próffræði Domo arigato

Klassísk raungildiskenning

Það er greinilega prófatími því ég er búin að

• Þvo 8 vélar af þvotti (og núna er ekkert meira eftir að þvo)
• Brjóta saman og ganga frá 4 vélum af þvotti
• Kaupa í matinn (í 3 mism matvöruverslunum)
• Fara í apótekið
• Kaupa blekhylki í prentarann
• Taka til í svefnherberginu
• Skipta um sængurföt
• Snurfusa baðherbergið
• Skipuleggja bókhaldið
• Taka til í stofuskápunum
• Fara í gegnum snyrtidótið og henda

Jebb síðasta vélin er að þvo núna og þá held ég að ég hafi bara EKKERT meira til að þrífa og neyðist þá til að sitja yfir bókunum næstu vikuna : ) ég fæ þó að gera það í glansandi hreinni íbúð :Þ Spakmæli dagsins: Hin sanna rausn gagnvart framtíðinni er að gefa allt í núið. Á vel við á prófatíma ! Jæja best að halda áfram að lesa um Mat á áreiðanleika - svo er það bara jóga á eftir :)

Til hamingju með afmælið Kristín : )

ÞÚ sem er búinn að dingla á bjöllunni minni (og held ég flestra annarra í húsinu) fyrir kl.7 á morganna og svo kl.2 í nótt færð bráðum skó í hausinn !!! Veit ekki hvur djöfullinn er í gangi, heyrðist þó eins og e-r hleypti manneskjunni inni í nótt - ég heyrði dinglað á þremur bjöllum : / Ég ætla rétt að vona að það sé enginn í húsinu að díla ! Þó nokkuð af nýjum nágrönnum sem ég veit ekkert um ! Þetta var sérstaklega óvinsælt í gærmorgun þegar það var dinglað kl. 6:20 og BJALLAN FESTIST INNI !!!! Orri þurfti að hlaupa niður til að stoppa lætin. Mér finnst samt eins og að á þessum tíma sem við höfum búið hérna þá hafi lætin verið að aukast á þessum enda Laugavegarins um helgar. Ég held að þetta séu mest krakkar sem hafa ekki aldur til að vera í bænum og því eru píkuskrækirnir og machostælarnir eftir því :/ Enginn róni þó búinn að æla fyrir utan dyrnar í marga mánuði og engar hasspípur fokið framhjá í rokinu - það er framför :Þ Dagskráin í dag Lesa Fara í sund Lesa Þrífa baðherbergið Lesa Skila skýrslu Elda Lesa Lesa Stuð ekki satt - bless Í bili

Föst milli tannanna

Þessi önn hefur runnið frá mér - Það fór allt of mikill tími í efasemdir og leiða en ég er sem betur fer að koma upp úr þessari niðursveiflu. Svo verður það bara að koma í ljós hvernig mér gengur í prófunum, ég er ekkert sérstaklega stressuð yfir að falla í einu né neinu, en eins og það er svo oft í HÍ þá veit maður aldrei : /

Ég er svo ákveðin núna að fara ekki í skóla næsta haust, algjörlega komin með ógeð. En ég er samt svo viss um það að ég muni greiða skólagjöldin :Þ Ég get bara varla hugsað mér að vera ekki í skóla þó ég kvarti og kveini hérna :) Spái að ég taki alla veganna heilsusálfræðina og kannski eitt annað fag til að ná námslánunum :Þ Ohh eða kannski að ég fari bara ekki neitt og geti notið þess að eiga próflausan desember mánuð og svo jól í Oxford hjá mömmu og pabba :Þ Jebb jól í útlöndum á næsta ári :) Ég var að horfa á skyrdós í gær og á henni stóð að hún rynni út 26. des. Ég alveg fussaði og sveiaði yfir því hvað þetta skyr dugar lengi, fannst sko vera alveg 1,5 mánuður í þetta :P Nahh svona meira eins og 3 vikur !

Jebb eftir 21 dag eru jólin. Eftir 24 daga erum við Orri búin að vera saman í 4 ár ! Eftir 17 daga er síðasta prófið mitt. Eftir 17 daga fer ég upp í jólabústað. Eftir 9 daga byrja ég í prófunum :/ Eftir 28 daga er árið 2006 BÚIÐ ! og eftir 1 dag á Kristín afmæli TIL HAMINGJU :D

Ég er sem betur fer eiginlega alveg búin með jólagjafastússið, bara 1 pakki eftir og ég veit hvað fer í hann. Ég læt svo Orra bara sjá um sínar 4 systur, ætla ekki að stressa mig á jólagjöfum í árið - Ætla að reyna að passa að taka ekki hið klassíska Írisarstresssyndrome sem felst í undarlegum draumum og skapskeytingum á saklausu fólki :Þ Þið þekkið þetta sem hafið orðið fyrir mér á stresstímum :Þ Dagur rauða nefsins er nýbúinn. Ég missti af sjónvarpsdagskránni (af því ég er búin að gleyma hvernig á að kveikja á sjónvarpinu mínu) en keypti 2 rauða nebba : ) Vona að sem flestir hafa gert slíkt hið sama. Svo er Kiva mér alltaf ofarlega í huga - er e-r hérna búin að skoða þetta?? Er að styrkja 3 verkefni núna - ætla að bæta við þetta svona í hverjum mánuði. 25$ fyrir skiptið er ekki mikið og ég get séð af því eins og stendur :) Ég á heima á Íslandi, Íslandinu góða SirÍ

BS - Britney Spears eða BullShit

Ekki í stuði fyrir hvunndagsblogg svo hvernig væri að tala um eitthvað sem skiptir algjörlega engu máli - Eins og t.d. Britney Spears og þá skandala sem hún hefur gert af sér síðustu vikuna

Hlébarðakjóll - virkilega ?? Hún er þó í nærum þarna

Jebb engar nærur !

Var aðeins meira klassí í upphafi kvöldsins

Óboj Óboj

Enn ekki í nærur

Vill einhver gefa konunni nærbuxur !!

Úps var ég virkilega að flassa hóp tuttugu ljósmyndara í 5. skiptið í vikunni :O Þegar Paris Hilton þarf að stoppa mann í pjöllusýningunum þá er maður í slæmum málum !

Jebb þetta er hún Britney Spears - Engar fréttir af mér í dag 11 dagar í fyrsta próf