4 vikur og 4 dagar :D

Bíllinn minn er búinn að vera rafmagnslaus frá því á mánudaginn, mig vantar start .... En jæja að venju þá var miðvikudagsganga í gær. Gengið var á Grímannsfell í Mosfellssveit. Þetta byrjaði sem ósköp venjuleg ganga, ágætlega heitt og bara fínt veður. Svo þegar við fórum að ganga upp á fjallið þá byrjaði að koma þoka sem var svo þéttari og þéttari en þar sem í för voru þónokkur gps-tæki og enn fleira fólk sem að er vant að nota þau, þá var ekki mikið spáð í því. Á leiðinni upp þá sá maður fjallið varla :Þ Hérna erum við að labba að fjallinu Jæja upp var gengið og það kom vindur og meiri þoka ... Í kaffipásunni var ástandið svona og þá vorum við ekki einu sinni komin upp á topp (þrátt fyrir að ég hafi haldið alla veganna tvisvar áður að núna hlyti þetta að vera toppurinn). Þarna var ég til í að fara bara heim, komin með nóg og klukkan kannski svona 21. En óbojj þetta var sko ekki búið ... Eftir svona hálftíma labb í viðbót vorum við svo komnar á toppinn LOKSINS ! Þarna var rok og kalt .... ég komin með hælsæri á báðum og allir orðnir þreyttir og ánægðir með að nú gátum við farið að halda aftur í bílana ..... eeennnn nei núna var þetta bara rétt að byrja ... Jebb eftir toppinn var haldið af stað, það var labbað í þveröfuga átt miðað við það sem að ég hélt að væri leiðin til baka , enda var stoppað eftir smástund gps tækin dregin upp og hópnum snúið við. Svo var gengið mun lengra í hina áttina þangað til allt í einu var stoppað gps tækin dregin upp eina ferðina enn oooooogggg snúið við !! Þessi mynd er úr því stoppi :Þ Jæja hérna voru allir orðnir þreyttir og engum fannst neitt sérstak stuð að vera búin að rölta villt um uppi á fjalli í hörkuþoku í klst. Ég veit ekki hvað málið var, hvort þeir fundu ekki punktinn á gps eða hvort áttavitinn vildi ekki sýna norður eeennnn mmmeeeennn ég var alveg til í að koma mér niður af þessu fjalli ! Jæja svo var gengið aftur til baka, UPP brekku og gengið yfir fjallið þvert þangað til við fórum loksins að labba niður á við og þokuna fór að létta. Við komum niður LANGT frá bílunum en þó nálægt staðnum þar sem planið hafði verið að koma niður á. Þessi síðasti spölur var langerfiðastur, úff 2 blöðrur, ökklamein og bara þreyta gera ekki gott þegar maður á eftir að labba heillangt til að komast í bílinn :Þ En loksins að ganga 23:30 vorum við komnar í bílinn, svona 1,5 tíma á eftir áætlun :Þ En þetta hófst og seinna meir þá verður þetta bara smá ævintýri :D Haha já mér fannst ég hafa löglega afsökun til að sofa út í dag og sleppa því að fara í ræktina :Þ En ætli ég verði ekki að fara að drífa mig að læra fyrir málfræðina ef ég ætla ekki bara að falla með stæl !