Það eru bara 3 dagar í síðasta prófið !!! 3 dagar í frelsið, afslöppunina, enginn vinna og jólajól !! Kl. 12 á miðvikudaginn verð ég hamingjusamasta manneskja í heiminum :Þ Þá þarf ég reyndar að bruna beint heim og fara að pakka, maður þarf fín föt fyrir 2 kvöld :S og svo allan annað fatnað fyrir næstum 2 vikur !! úff ég held ég eigi ekki einu sinni svona mikið af fötum (skiljið enginn aðgangur að þvottavél). og svo á ég eftir að kaupa gjafir handa Orra og Maríu (og reyndar öllum Orra megin en hann má sjá um það því hann hefur tíma).
Ég fór í Ritþjálfunarprófið áðan og ég held mér hafi bara gengið glimrandi :D Byrjaði ekki að læra fyrir það af viti fyrr en kl. 10 í morgun en það alveg bjargaði mér og ég kláraði prófið á innan við hálftíma ! Ég held að ég sé ein af þeim sem að labba alltaf út úr prófinu akkúrat á þeirri mínútu sem það má :Þ
Næsta og síðasta prófið er Menning, þjóðlíf og saga Spánar, 5e kúrs ! Ég er reyndar ekkert rosalega stressuð fyrir það af því ég er búin að lesa allt efnið og mæta vel í tímana í vetur. En reyndar er þetta ansi mikið efni því það er verið að fara yfir alla söguna frá skrilljón fyrir Krist fram á okkar daga :S Svo þetta er ansi mikið að muna :D
Eníhú ég er farin að sjá jólatré, pakka, jólakúlur, pottaferðir með baðbombum, kalkún, föndur, kyrrðina, náttúruna, jólaseríurnar og allt hitt sem að fylgir, alveg í hillingum. Bara 4 dagar í viðbót og ég er sloppin úr borginni í alveg 13 daga ! engin vinna og enginn lestur ! En reyndar líka enginn Orri :(
-Íris í jólahug-
No hay comentarios.:
Publicar un comentario