1 dagur í 1.próf - 11 dagar í próflok

Það er nú meira hvað lífið verður sorglegt þegar prófatíminn kemur :S og þá þarf bæði lítið til að gleðja mann og lítið til að pirra mann. Pirringur:

• Má ekki borða á Hlöðunni (lætur mig vilja vera heima)
• Vond fýla heima (nágrannarnir í kjallaranum byrjuðu að brassa eitthvað kl. 5 í nótt. Mér finnst fátt ógeðslegara en að vakna með steikingarfýluna í nefinu)
• Bíllinn er að bila (again)
• Ég er búin að hnerra skrilljón sinnum í morgun (vont þegar maður er á Hlöðunni)
• Ekki hægt að fá almennilegt vatn hérna :S mér til mikillar mæðu fjarlægðu þeir góða kranann sem var í kaffiteríunni, why ???

Glaðningur:

• Ég á Ópalbrjóstsykra frá því í gær :)
• Ég komst aðeins í Kringluna í gær og plöggaði 1 jólagjöf, seríum og svo keypti ég í matinn (sem var mjög nauðsynlegt þar sem allt sem var í ísskápnum heima var útrunnið og myglað)
• Ég er ekki að vinna næst fyrr en á mánudaginn (og þá verð ég búin með helminginn af prófunum mínum :D)
• Prófin byrja á morgun (já það er gleðiefni því að því fyrr sem þau byrja því meira styttist í það að þau séu búin)

Já svona er lífið einfalt þessa dagana, vakna 7:15, koma upp á Hlöðu 8:15, sitja fram eftir öllum degi, borða, æfa, sofa !! og svo reyni ég að troða eins miklum upplýsingum og hægt er í grautinn minn þarna upp. Hann er orðinn yfirfullur af pronombres, sögnum og spænskri bókmenntasögu :S