hverf inn í draumaheim þar sem allt getur gerst

Ást mín á bókasöfnum er endalaus og hefur verið til staðar frá því ég man eftir mér lesandi. Mamma vill meina að ég hafi kennt sjálfri mér að lesa á viku. Að fara inn á safnið og finna kyrrðina og allar þessar bækur ... hafsjór af fróðleik og endalausum mómentum þar sem maður kúrir upp í sófa með bók og flísteppi. Líka ótrúlegt að á bókasöfnum geti maður fengið nánast hvaða bók sem er og maður borgar kannski bara 1000 kall á ári og hefur ótakmarkaðann aðgang, mér finnst það bara aðdáunarvert. Þegar ég var lítil og í grunnskóla þá gerði ég það reglulega að taka bækur á bókasafninu þar, það muna allir sem voru með mér í skóla eftir Birni bókasafnsverði :D en allaveganna, þá labbaði ég alltaf heim lesandi, ég gat ekki beðið með það að byrja þangað til ég kæmi heim svo ég hef verið ansi undarlegur krakki og bara heppin að enginn keyrði á mig :Þ Þegar ég var svo svona 9 ára þá fór ég það sumarið á bóksafnið nánast annan hvern dag af því ég mátti bara taka 3 bækur í einu, það vakti greinilega athygli einhverrar afskaplega góðrar bókasafnskonu og ég fékk fljótlega að taka mun fleiri bækur í einu mér til mikillar gleði :Þ Eftir því sem ég eldist þá minnkar ást mín á bókum ekki neitt þó að smekkurinn hafi óneitanlega breyst. Eftir að hafa lesið allar Fimmbækurnar og Ævintýrabækurnar, Gunnubækurmar og Frank og Jóa bækurnar og líka Nancy bækurnar þá tóku við gelgjubækurnar og ég svelgdi þær í mig alveg eins og allar hinar. Í jólafríinu 2003 las ég á viku 5 bækur eftir Arnald Indriðason, heppin af því að þær voru ansi vinsælar í þeim íslenskuáföngum sem ég tók önnina eftir :Þ Um sumarið 2004 las ég svo allar 5 Harry Potter bækurnar á viku !! geri aðrir betur. Eftir það tók við Da vinci lykillinn en sá lestur stóð nú bara yfir í rúman sólarhring :Þ En eftir að ég byrjaði í háskólanum þá hef ég ekki samviskubitslaust getað tekið upp bók sem MIG langar að lesa því þá stara alltaf skólabækurnar á mig með sakandi augnaráði til að minna mig á það að ég sé nú komin svolítið á eftir í sögu og sú bók ætti nú frekar að vera fyrir framan mig .... EEEENNN nú ætla ég að breyta þessu og taka smá forskot á sæluna fyrir jólafríið, ég skellti mér á Borgarbókasafnið áðan og krækti mér í 4 gersemar, Kleifarvatn, Harry Potter nr.6, 101 dagur í Bagdad og svo tók ég reyndar líka fyrir forvitnissakir Konur sem hugsa um of :Þ af því ég hef fengið að heyra það að ég hugsi stundum einum of mikið :Þ Þannig að ef að ég hverf skyndilega og mæti ekki í prófin eða eitthvað þá hafa bækurnar endalega gleypt mig.

próf eru ekki mitt thing

Jæja þá er þessi törn svona eiginlega búin, eftir að hafa skipt 3 eða eiginlega 4 sinnum um ritgerðarefni þá kláraði ég hana loksins í gærkvöldi og ég er eiginlega bara búin á því eftir það :Þ Svo var próf í morgun í Ritþjálfun og vá, ég algjörlega klúðraði því, það var samt ekki af því að ég lærði ekkert fyrir það, það hefði ekki breytt neinu :S Jólin eru aðeins farin að kitla mann og ég er komin með 1 jólaskraut :Þ Mamma gaf okkur aðventukrans svo ég kveikti á fyrsta kertinu í gær ... ég veit það var ekki sunnudagur í gær :Þ ég var bara ekkert heima á sunnudaginn til að hafa kósý svo það má alveg hliðra smá til :Þ Skólinn er bara að klárast þessa dagana, ritgerðarskil á morgun og síðasti tíminn í sögunni og bókmenntafræðinni. Á fimmtudaginn er svo munnlegt próf í Málnotkun :S Ég er svolítið stressuð fyrir það, sérstaklega af því að ég sendi inn þau 3 efni sem ég vildi fá að tala um, kennarinn velur svo 1. En málið er að ég man ekki nema 2 af þeim og það er alveg týpískt að hann velji þetta þriðja sem ég man ekki hvað er :Þ Úff ég er svvvooo þreytt af því ég svaf nánast ekkert í nótt, sofnaði ekki fyrr en 3 og var svo alltaf að vakna því ég var svo hrædd um að sofa yfir mig því ég þurfti að vakna kl.8 :S Þannig ég var kolrugluð í allan morgun alltaf að hrökkva upp og líta á klukkuna og svo loksins þegar hún hringdi þá slökkti ég á henni því ég hélt að það væri eitthvað allt annað að hringja ... já svona er maður crazy á morgnana

vinna og læra

Jæja ég held að ég sé loksins komin af stað í þessari ritgerðarvinnu, btw þá var planið að vera búin með hana í gær :Þ en eftir miklar þrautir þá skipti ég á fimmtudaginn um efni úr því að vera með Franco og hans tímabil yfir í það að stytta það bara niður í Borgarastyrjöldina. Eftir mikið maus og heilasoð þá var ég samt ekkert að komast áfram þannig að í gærkvöldi :S þá skipti ég enn einu sinni um efni :Þ og er núna með Los Iberos :Þ Ég er semsagt búin að skrifa 2 bls um 3 ritgerðarefni ... spurning um hvort að ég megi ekki bara setja þær þrjár saman og skila inn í staðinn fyrir 6 bls um eitt efni :Þ Ískalt úti og minna en mánuður til jóla :D mínz er mjög ánægð. Sigurrós í kvöld með skvízunum mínum já og einum skvízuherra :Þ Farin að vinna og læra og vinna og læra hasta luego

æ þessi pólitík

Hahaha mér hefur alltaf verið illa við Chavez (forseta Venezuela) eftir að hafa - þurft að eyða lengri tíma innan dyra í útgöngubanni þegar landið var á barmi borgarastyrjaldar - þurft að horfa á hann synga (falskt) og gera allskyns bull í hvert sinn sem að hann rauf útsendingar allra sjónvarpsstöðva í Venezuela, - var líka ansi hrædd þegar hann sendi herþotur yfir Caracas til að ógna fólkinu sem bjó þar þegar hann var hræddur um að gerði yrði uppreisn og það nötraði allt og skalf í íbúðinni minni þegar þær flugu yfir húsið því þær flugu svo lágt ............ - já og milljón aðrir hlutir svo sem morð á saklausu fólki og spilling sem hafa gert það að verkum að hann er ekki on my good side .... en mér líkar verr við Bush og Chavez líkar líka illa við Bush og í dag las ég frétt í Mogganum sem kom mér til að hlæja og fyrirsögnin var "Öreigar í Boston fá olíu frá Venesúela" og greinin í stuttu máli: "Fátækt fólk í Boston í BNA mun framvegis geta keypt olíu til húshitunar við lágu verði frá fyrirtæki sem stjórnvöld í Venesúela reka .... Það er Citgo-fyrirtækið sem selur hinum fátæku olíuna en það er útibú ríkisolíufélags Venesúela í Bandaríkjunum....Samkomulagið var gert við hjálparsamtök í Boston en þingmenn bandaríska Demókrataflokksins komu einnig að gerð þess...Samkvæmt því munu fátækir íbúar Boston og samtök sem að vinna að því að lina þjáningar þeirrra geta keypt olíu til húshitunar á verði sem er um 40% undir markaðsverði.... Olíusalan er liður í áætlun , sem Hugo Chavez, forseti Venezuela, hefur samið og miðar að því að bæta kjör öreiga fólks í ríkjum Ameríku. Sendiherra Venezuela í BNA sagði að olíusalan væri í samræmi við "loforð" það, sem Chavez hefði gefið bandarísku þjóðinni" hehe æ þetta er þvílíka steypan, flott að hjálpa fátækum Bandaríkjamönnum en hvað með fátæku Venezuelana ! Því að svona býr það Ég efast um að Bush finnist þetta eins fyndið og mér :Þ kannski líka af því Chavez er góður vinur Castro :Þ Jæja en ég er mætt í vinnuna og það er nákvæmlega EKKERT að gera, engin að fara og enginn að koma og semstendur bara 1 gestur í húsinu fyrir utan alla fastagestina (mjög lítið ónæði af þeim) svo ég held ég fari bara að koma mér í það að læra smá :P

bloody lélegt blogg

mmmmm vá voðalega er maður einhverfur svona þegar kemur nær prófunum. Ég er búin að eyða öllum dögunum þessa vikuna heima fyrir framan tölvuna, ALEIN ! já svona verður þetta út desember ..... Ritgerð, ritgerð, ritgerð úff ég er að verða crazy á þessu, en þetta gengur línu fyrir línu :Þ fékk samt góðar fréttir að skil eru 2 dögum seinna en ég hélt svo JEI :P Já þetta er eitt lélegasta blogg sem ég hef skrifað ! það er ekkert til að borða hérna ! ekki búið að taka til í viku ! já ástandið er lélegt, eða frekar ferlegt :P En jæja House, ritgerð, Lost, ritgerð, ANTM, ritgerð og svo fer ég í vinnuna á eftir ... gúd bæ

hehe æ bara að nöldra eitthvað

Ég fékk að kynnast nýrri hlið á sjálfri mér í morgun, Íris hin morgunfúla !! Ég rauk á fætur kl.9 því ég var að fara í próf kl. 9:40. Það hefði nú verið allt í lagi ef ég hefði sofnað e-ð fyrr en kl. 3:30 !! Rölti inn í eldhús og eldaði minn daglega hafragraut, settist niður og stakk upp í mig skeiðinni og leit á klukkuna á tölvunni minni (sem er ALLTAF í gangi) og úps klukkan orðin 9:25 :S Jæja ekki mikill tími fyrir grautinn og ég fer út .... þegar ég finn loksins bílinn (einum of mörg stæði til að leggja í hérna) þá er klukkan orðin 9:37 og mín orðin virkilega grumpí .... Jæja þegar hér var komið þá set ég bara í bakkgír og held af stað ... ooooggg lít þá á bensínmælinn, fokk bíllinn BENSÍNLAUS, ég bölvaði Orra alveg fram og til baka því hann ætlaði að taka bensín í gær en fokk 1 mínúta þangað til að ég á að vera mætt og ég þurfti að keyra á bensínstöð Komin með bensín fyrir 500 kall bruna ég upp í skóla, SKÍTSTRESSUÐ um að vera orðin of sein sem að gengur varla þegar maður er að fara í hlustunarpróf! Varla eins og maður geti beðið kennarann að byrja upp á nýtt :Þ Well, kem upp í skóla, finn stæði hleyp upp í Árnagarð og upp í stofu 311 oooggg hvað haldiði, jújú kennarinn sjálfur er ÓSTUNDVÍSARI en ég og mætti 10 mínútum á eftir mér !!!

Annars var ég líka alveg hundfúl í prófinu, þrátt fyrir að hafa náð að mæta :Þ Kennarinn var að gera mig alveg nuts, sérstaklega þegar hann skammaði bekkinn fyrir að taka prófið ekki nógu alvarlega ..... hey hver mætti næstum 20 mínútum of seint ! En jæja ég er ekki lengur fúl :P er búin að sitja heima í allan dag og horfa á House :S ! og spá í þessari helvítis ritgerð sem ég er að gera, er held ég búin að ákveða að skipta um efni :S skil á mánudaginn :S Efnið sem að ég var með var bara of yfirgripsmikið. Í kvöld ætla ég svo að horfa á Herra Ísland, maður verður nú að sjá Kollu krýna :Þ og svo skemmir ekki fyrir að þarna eru strákar á nærbuxunum ;)

núverandi hvað??

Smá blogg í tilefni þess að ég kem mér alls ekki til að gera þessa ritgerð :S

Núverandi tími: 14:25

Núverandi föt: náttbuxur, hlýrabolur og flíspeysa (hey ég veit að kl. er hálfþrjú en svona má þegar maður er veikur :Þ) Núverandi skap: hálforkulaus

Núverandi hár: same old blonde

Núverandi pirringur: LETI bigtime Núverandi lykt: hmm leitt að segja það en ég þarf örugglega að fara í sturtu, maður er ekki kræsilegur með gubbupest :Þ

Núverandi hlutur sem þú ættir að vera að gera: Skrifa ritgerð um Francisco Franco

Núverandi skartgripir: þeir eru allir út í svefnherbergisglugga Núverandi áhyggja: Voða litlar, prófin náttúrulega að koma svo örugglega þau bara :D

Núverandi löngun: gott veður til að fara upp á Esjuna

Núverandi ósk: að ég muni e-n tímann aftur hafa lyst á kjúklingabringum :Þ Núverandi farði: Bókstaflega enginn

Núverandi eftirsjá: ekki margt, væri ekki sú sem ég er í dag nema vegna alls þess sem ég hef gert og gerst hefur fyrir mig ! :)

Núverandi vonbrigði: að vera svona andskoti andlaus við þessa ritgerðarsmíð Núverandi skemmtun: ansi lítil

Núverandi ást: á maður ekki að segja Orrinn sinn :Þ

Núverandi staður: Upp í sófa með flísteppi yfir mér og tölvuna í fanginu :Þ Núverandi bíomynd: Horfði síðast á The Unbreakable (er það skrifað svoleiðis) en fór síðast á Corpse Bride í bío

Núverandi íþrótt: sprikl í Laugum og ég vildi að ég færi oftar í jóga

Núverandi tónlist: engin tónlist

Núverandi lag á heilanum: Sameinumst hjálpum þeim er búið að spilast ansi oft í hausnum á mér síðustu dagana

Núverandi blótsyrði: coño

Núverandi áætlanir fyrir kvöldið: Kíkja til Rúnu og koma svo heim og halda áfram að stara á tölvuna mína og vonast til að ritgerðin skrifi sig sjálf.

Núverandi manneskjur sem ég ætla að forðast: hmmm bara enginn

Ég datt nú líka inn á ansi svona spes blogg áðan, semsagt fangar á Kvíabryggju að blogga :S svona ef þið viljið sjá Bryggjutröllin hljómar bara ansi kósý að vera þarna !! Fær borgað fyrir að læra og svona :Þ Sveitasæla, billard, golfvöllur og æfingasalur og svo mega þeir fara þarna um jörðina eins og þeir vilja :O Ég átti svo ógeðslegt kvöld í gær að ég er bara enn að jafna mig, hef aldrei fengið aðra eins gubbupest en hún gekk sem betur fer hratt yfir en í dag er ég bókstaflega eftir mig :S Maður þolir margt en ég svo sver það af þessum pestum sem maður fær er gubbupestin langlangverst :S Mér er bara illt í rifbeinunum og með harðsperrur í maganum :O Jæja ég ætla að halda áfram að stara á tölvuna mína .....

ready or not here I come

Það er einhver veginn þannig að þegar líður að prófum þá verða bloggfærslurnar alltaf svona hálfaumingjalegar ... maður hefur ekkert að segja nema e-r hérna hafi áhuga á að hlusta á mig babla um sögu tónlistar á Spáni á 20. öldinni ... nei hélt ekki :Þ

En það er semsagt kominn í mann smá próffílingur og maður er að gera sér grein fyrir því að önnin er sama sem búin ! og manni fannst hún varla vera byrjuð ! Ég hefði ekkert á móti því að spóla bara mánuð fram í tímann og vera bara búin með prófin og mætt upp í bústað :Þ Annars er ég að fara að skella mér í hið hroðalega kjallaravax á eftir :0 fór þarna einu sinni í ágúst eða september svo það er alveg kominn tími á þetta aftur :Þ En eitt svona að lokum, það er ekkert smá fyndnar og sniðugar myndir á síðunni hennar Maríu :Þ www.blog.central.is/lummur Hérna er smá preview :D bara svona fyrir þá sem vilja sjá eitthvað skemmtilegt í lestrarpásunni sem ég giska að þið séuð í :Þ

andlaus

Það er ekkert smá andleysi í gangi hérna og það kemur sérstaklega fram í því að ég bara get ekki byrjað á síðasta verkefni annarinnar, ritgerð um Franco, sem ég þarf að skila næsta mánudag : / En í staðinn er ég reyndar búin að lesa svolítið svo kannski kemur þetta bara út í plús :Þ Andleysið kemur reyndar fram í því að ég nenni ekki að fá mér að borða og reyndar líka í því að ég nenni ekki út í búð að kaupa eitthvað í matinn því það er ekkert til hérna fyrir mig að borða :0 þannig ég sit heima svöng af því ég er of löt !! Þannig kemst ég heldur ekki að æfa því ég er of löt til að borða ! Nei þetta gengur ekki, ég er farin út í búð !!

Ég þoli ekki ...

Ég þoli ekki ...

• Fólk sem að leggur bílunum sínum í fleiri en 1 stæði !! Sérstaklega óþolandi upp í HÍ og maður er að verða of seinn í tíma og öll stæði full því þá eru alltaf nokkrir asnar sem virðast alltaf vera á ógeðslega dýrum bílum og nota það sem afsökun að þeir eru hræddir um að e-r rekist utan í bílinn þeirra .... hey ef bíllinn þinn er svona svaka flottur hafðu hann þá bara heima þá rispast hann aldrei !!!
• Opna skápa og skúffur, bara verð að loka þeim.
• Þegar fólk bankar í dót í takt við tónlist eða enga tónlist
• Þegar fólk gnístir tönnum
• Fólk sem að reykir alveg við innganga og maður þarf að labba í gegnum skýið á leiðinni inn/út
• Stafsetningarvillur - mínar og annarra (hvernig í fjandanum skrifar maður annarra?? tvö r??)
• Þegar ég sef yfir mig
• Þegar fólk setur klósettsetuna ekki niður, brr vill bara hafa klósettið lokað !
• Þegar fólk treðst í biðröðum
• Þegar fólk sem að hefur ekki rétt til þess leggur í fatlaðrastæði
• Þegar fólk svarar ekki í símann sinn og ég VERÐ að ná í það
• Þegar ég fer með bílinn á verkstæði og það er komið fram við mig eins og hálfvita af því ég er kvenkyns !! Það segir mér enginn að öryggi í bílum sé til þess að springa um leið og rúðuþurrkumótorinn bræðir úr sér !! ASNI !!
• Fólk sem gefur ekki stefnuljós áður en það ætlar að beygja eða er á leiðinni út úr hringtorgi
• Þegar strætó kemur/fer ekki á þeim tíma sem að áætlunin segir
• Þegar fólk kemur ekki og lætur ekki vita *grrr*
• Þegar fólk er á móti fólk sem er af öðrum kynþáttum og býr á Íslandi!! Mér er alveg sama hvað er sagt þetta fólk má alveg vera hér eins og allir aðrir, alveg eins og ég ætlast til þess að geta flutt til annarra landa og búið þar
• Fólk sem þykist vita ALLT !!
• Þegar útlendingar sem tala ekki ensku koma hingað á Sunnu og tala bara stanlaust við mig á sínu móðurmáli og verða fúlir þegar ég skil þá ekki .... þetta á sérstaklega við um Frakka og Þjóðverja :Þ
• Fólk sem er tapsárt og reynir að svindla *hmmm*
• Þegar ég neyðist til að eiga smalltalk við fólk sem mér líkar ekki einu sinni við !
• Þegar það er lítill bíll við hliðina á stórum bíl í stæði og maður heldur að stæðið sem að litli bílinn er í sé laust alveg þangað til maður kemur framhjá þessum stóra (stórt vandamál í HÍ :Þ)

hehe er þetta ekki bara komið nóg :D nú get ég farið brosandi út í daginn :*

Hver ég? já þú

I'm a working girl nei samt ekki alveg þannig girl en ég er alla veganna í vinnunni hmmmm

Margt gaman og gott hefur gerst þessa vikuna.

• Maggý amma Orra lánaði okkur rafmagnsofn !! Vá núna man ég aftur hvernig það er að vera ekki með nefrennsli, stífa putta, kaldar tær og undir flísteppi þegar ég er heima hjá mér :)

• Ég er aftur orðin hafragrautsæta eftir að hafa farið mikla afturför í morgunmatsáti sem fór hring s.s kornflex með kakó svo cocoapuffs sem varð svo honeynut cheerios sem varð að blandi af honeynut og venjulegu og núna mmmmm hinn æðislegi hafragrautur !!

• Það eru þónokkrir RISAR hérna á Sunnu, bandarískir körfuboltamenn eru huges, ég þarf að horfa nánast beint upp í loftið þegar þeir mæta í móttökuna að tala við mig

• Þetta var næst síðasta vikan í skólanum !! guuuuud bara ein ritgerð eftir og þá mega prófin fara að koma .... æ já reyndar eru eiginlega 3 próf eftir líka en hey skítt með þau :Þ

• Samkvæmt talningunni á síðunni hennar Kollu eru 35 dagar til jóla ! 36 dagar þangað til að ég fer upp í Miðhúsaskóg í bústað nr.18 sem ég er farin að þekkja ansi vel. Ég hlakka til að liggja með tærnar upp í loft og borða mackintosh og mandarínur í næstum 2 vikur ! wow 2 vikur án msn og án netsins !!! ég er viss um að frasinn "ég gúggla það þegar ég kem heim" verður ansi heitur ;)

En jæja þetta var allt, bara klst eftir af vinnu og þá þarf ég að fara að taka mig til því að í kvöld er ég víst að fara út að borða með spænskuskorinu á Mama's Tacos :D það verður örugglega frábært. Ég er líka með smá drauma um að komast inn í Hafnarfjörð seinna um kvöldið í afmæli en ég þarf helst að beita smá göldrum til að það gangi upp *hmmm*

eintómt væl :Þ

Þetta er ekki alveg minn dagur, ekki út af neinu sérstöku beint, þetta bara er ekki minn dagur :S Ég held ég hafi sjaldan verið jafn tuskuleg, mygluð, úldin og þreytt eins og ég er núna : / Ég byrjaði daginn líka á að sofa yfir mig, btw þá átti ég ekki að mæta fyrr en 11 í skólann svo það er eiginlega bara afrek að hafa ekki vaknað :ÞEn ég vaknaði bara akkúrat 11 og náði að mæta í skólann og fara með þennan fyrirlestur sem ég þurfti að gera fyrir málnotkunina. Ég bara sef út í eitt þessa dagana og langar eiginlega mest til að liggja bara undir rúmi með hlýja sæng því að þá er ég alla veganna ekki að frjósa úr kulda ! Svo þoli ég ekki þessa birtu sem er úti, grábjart eitthvað, ég fæ bara hausverk og verð að vera inni með dregið fyrir gluggana :S Og það er það sem ég er búin að vera að gera í allan dag : / Já væli væli væli þetta verður liðið hjá eftir nokkra klukkutíma þegar það verður orðið dimmt :Þ svo ég ætla bara að leyfa mér að vera svona til 17:30 þegar við förum í mat til Maggýjar :Þ Við fáum líka kannski rafmagnsofn hjá henni og ég er svona að vona að það dugi til að hita aðeins upp hjá okkur því ég er bókstaflega alltaf að frjósa !! Ég sest ekki niður hérna heima án þess að vera vafinn inn í flísteppi *brrrr* Jæja ég ætla að fara að vola smá í Orra :Þ og fá mér kannski heitt kakó því mér er svo kalt á puttunum að ég get varla pikkað inn : /

estoy cansada

Ég er stíf og stirð, síðustu 9 klukkustundirnar hef ég varla staðið upp nema til að borða, mér er illt í bakinu, fótunum og hausnum og meira segja augunum og afrakstur dagsins er líka ekki lítill :D En vá hvað það er þreytandi að læra, ég er bókstaflega búin á því *geispgeispgeisp* Ég fór í gær á mörgæsamyndina, The march of the penguins held ég að hún heiti, oggg mér fannst hún æði :D Ekkert smá sætar og alveg ótrúlegt hvað þær leggja á sig til að eignast unga ! En jæja ég held ég fari og stari út í loftið þangað til ég fer að sofa eða bara stari á sjónvarpið

enn og aftur sama sem ekkert

Er ekki ágætt að blogga þegar maður er strand í lestrinum :D Ég er að REYNA að gera fyrirlestur sem ég og Kolla eigum að flytja á morgun :S Það er bara smá vandamál, við erum að gera fyrirlestur upp úr leikriti og allir fengu eitt hlutverk til að tala um .... Eeeenn hlutverkið sem við erum með er bara svo oggulítið : / í alvörunni ég er búin að skrifa textann og endurskrifa hann og lengja og hann er enn bara 8 línur !!! og ég er búin að segja allt sem hægt er að segja um hlutverkið :S hmmmm spurning um að lesa bara EXTRA hægt og reyna þannig að ná 5 mínútum :Þ Annars eru bara 2 vikur eftir af skólanum :O smá sjokk, hvernig flýgur tíminn svona frá manni, nér finnst ég enn bara vera nýbyrjuð :S En ég tel bara niður dagana til jóla og hlakka mikið til, nenni ekki að vera að stressa mig á prófunum alveg strax :Þ Ég komst að því um daginn að það er lúmskt hversu lítið ég man úr grunnskóla ! Ég er eiginlega bara viss um að ég hafi aldrei verið í grunnskóla ég man svoooo lítið eftir því :Þ En jæja stuð vika framundan 2 fyrirlestrar og próf :S en toppurinn verður á föstudagskvöldið þegar hinir árlegu Persónuleikar sálfræðinnar fara fram :Þ Ég ætla að svindla mér inn :Þ reyndar ekki til að keppa heldur bara til að fylgjast með dýrðinni :Þ

samansafn af engu

*geispgeisp*

Já ég held að ég skrifi ekki oft blogg svona snemma *geisp* það er kannski af því ég vakna aldrei fyrr en um 10 leytið : Þ en í dag þá þurfti ég að mæta í vinnuna kl. 7:15 *geisp* því ég er að sjá um morgunmatinn :Þ í fyrsta sinn :Þ

Annars er voða lítið af mér að frétta :Þ Síðasta vikan flaug bara framhjá mér og ég er bara ekki einu sinni viss hvað ég var eiginlega að gera, ég var alla veganna ekki að læra og mæta í tíma það er víst :S :Þ Í gær var stórfjölskyldumyndataka hjá föðurfjölskyldunni minni :D Við erum 30 og eitthvað og það komust allir :D Hlakka til að sjá útkomuna þar sem ég myndast sko EKKI vel :S og það væri nú alveg týpískt að það eigi eftir að hanga uppi mynd af mér með asnalegan svip næstu áratugina :S :)

Ég horfði á Pirates of the Caribbean í fyrrakvöld og ÓMEN hvað Johnny Depp er HOT ! hann er meira segja HOT þegar hann leikur fyllibyttusjóræningja !

Í dag er ég að fara að mæta á fyrsta fund skipulagsnefndar reunion-s útskriftarárgangs árið 2000 í Öldutúnsskóla, u know what I mean :Þ

Verð nú eiginlega líka að minnast á það að ég fékk 7 fyrir 5árabarnaritgerðina mína :Þ Nokkuð sátt :D Og hey María, þú skuldar mér ís ! Ég ætla að taka hann út næsta sumar e-n daginn á Interrailinu þegar það verður extra heitt :Þ

*geisp* ég meika ekki að skrifa meira bull svo ég skrifa bara seinna, þegar ég er kannski vöknuð aðeins :Þ

7 hlutir hvað ?

Hmm núna hef ég verið kitluð í 3ja sinn þannig ég held ég verði bara að fara að svara þessu ! Sjö hlutir sem ég vil gera áður en ég dey: Búa í útlöndum í ár eða meira - aftur Fara á Interrail - það er nú in progress Fara í nokkurra daga göngu um hálendi Íslands eða Hornstrandir - þarf bara að æfa smá :Þ Vinna Orra í sjómann - það gerist víst seint :Þ Ná lagi inn á Billboard listann í BNA - þarf fyrst að hætta að vera svona laglaus Fara í Safaríferð og sjá ljón Læra blessuðu spænskuna almennilega Sjö hlutir sem ég get gert: Pikkað hratt inn á lyklaborð og sms Setið klukkutímum saman og lesið góða bók Gengið upp á Esjuna Verið afskaplega pirrandi skipulögð :Þ Borðað mikið nammi á stuttum tíma Gert lista af hlutum sem ég ætla ekki að gera fyrr en eftir MARGA mánuði : / Verið afskaplega feimin Sjö hlutir sem ég get ekki gert: Eldað Sungið Teiknað Þvegið fötin hans Orra þannig að þau séu ekki eins og harmonikka Vaskað upp Haft viftuna inni á baði í gangi án þess að verða crazy Snoozað með góðri samvisku Sjö hlutir sem heilla mig við karlkynið: Augun Hárið Bakið Brosið Heiðarleiki Metnaður (enga leti takk) Fyndni Sjö frægir sem heilla: nenni ekki að svara þessu :S dettur bara ekkert í hug :Þ Sjö hlutir sem ég sé einmitt núna: Ipodinn Orra að læra Vatnskönnu og glas Umbúðirnar utan af súkkulaðikökunni sem ég ÁT Flísteppi Tölvuna hans Orra Tölvuna mína Jæja þá er þetta loksins komið :Þ og mér dettur bara enginn í hug til að klukka sem ég er sjor að sé ekki búin að þessu svo ég bara sleppi því líka :Þ Hmm voðalega hljóma ég eitthvað antipatica í þessu bloggi :Þ er annars í bara mjög góðu skapi

voða lítið

Það er búið að vera svo mikið að gera hjá mér við að slæpast og nenna ekki að læra að ég hef bara engann tíma haft til að blogga *roðn* æ smá lesleiði í gangi hérna :Þ Helgin var æðisleg, föstudagskvöldið náttúrulega frábært eins og ég var búin að minnast á en svo var laugardagskvöldið alveg æði. Við vorum á Hótel Geysi með allri föðurfjölskyldunni minni að fagna 75 ára afmæli ömmu og 50 ára brúðkaupsafmæli ömmu og afa :D Það var ekkert smá kósý að vera þarna og ég verð að viðurkenna að núna hlakkar mig enn meira til jólanna af því þetta er nú svona jólasvæðið mitt :Þ Alltaf á Þorláksmessu, þegar við erum í bústaðnum, þá förum við "The Golden Circle" SAMA HVAÐ ! síðast þá fórum við í 20 stiga frosti og vinda :S Ég var alveg skuggalega dugleg áðan og hjólaði í gymmið og tók klukkutíma brennslu .... eeennnn svo kom ég heim og er síðan þá búin að vera að hakka í mig nammi : / já svona er lífið þegar Orri er að vinna :Þ enginn til að hafa hemil á mér :Þ

da hair

Jæja hér koma myndir af HÁRINU :D svona fyrir þá sem vildu sjá : * Annars átti ég frábært kvöld í gær, þegar saman kemur hjálpartækjasýning, frítt áfengi, Helga Braga og stripparar þá er held ég ekki annað hægt en að skemmta sér vel :Þ ég segi bara takk fyrir kvöldið þið sem voruð með mér :* Eníhú ég er farin á hótel, svo I just see you later :D

NIA nnníííííaaaaa

Það er einhver undaleg bloggleti í gangi hjá mér þessa dagana. Ég var klukkuð um daginn og ég er búin að vera að reyna að hugsa um einhver svör við þessu en mér hefur enn ekkert dottið í hug svo þetta verður ekki klukkblogg eeeennn annars að öðru... Ég skilaði loksins þessari bjálfaritgerð :S og er hætt að hugsa um það, ég og Kolla fengum 7,5 :D fyrir fyrstu ritgerðina okkar á spænsku :Þ Gott teamwork hér á ferð : ), ég er búin að þjást af ofþreytu frá því snjórinn kom og tekst ekki fyrir nokkra muni að vakna fyrir 10 sama hversu snemma ég fer að sofa semsagt fyrr að sofa = ég sef bara lengur : / mig hefur líka langað í kjöt alveg frá því það fór að snjóa, mjög skrítið og rétt í þessu var ég að torga 4 hamborgaranum þesa vikuna !!! Það eru fleiri en ég hef borðað allt árið ! Mest niðurlægjandi moment lífs míns tóku nýjum hæðum í dag, ja fyrir utan það þegar ég flaug næstum því á hausinn fyrir utan HÍ í gær eeeennnn alla veganna þá skellti ég mér í e-n nýjan tíma upp í Laugum í dag, heita NIA minnir mig ooooggg ég var EINA manneskjan sem mætti + kennarinn :Þ Það í sjálfu sér var reyndar fínt því þetta voru nú meira funkífurðu æfingarnar ! Ég var á fullu að láta útlimina mína hreyfast eins og sjal ! og því bara fínt að vera einn þar sem ég er algjörlega ekki gerð til þess að hreyfa mig svona eeennn þar sem ég var í miðju hláturkasti af því ég sá sjálfa mig í speglinum þá koma inn tveir HOT einkaþjálfarar og þeir svo svo þarna inni restina af tímanum 20 MÍNÚTUR !!! Hmm ég hefði kannski frekar bara viljað fljúga almennilega á hausinn fyrir framan HÍ í gær og sleppa þessu :Þ hehe æ nei ég lifði þetta alveg af en ég svo sver það ég gat varla haldið í mér hlátrinum allan tímann þar sem ég þurfti til dæmis að hrista á mér brjóstin :Þ og svo seinna rassinn :S :Þ og já það var á meðan þessir tveir gæjar þarna voru inni :D En annars frábærir tíma og ég ætla að mæta aftur :D En ég verð eiginlega að minnast á hárið á mér *arghhhhh* hvernig datt mér í hug að klippa það stutt !! Það hefði nú verið svona OK ef ég hefði ekki fengið mér permanett fyrir svona 3 mánuðum síðan sem bókstaflega kom í ljós um leið og hárið á mér var stytt !! nono fékk ekkert permanett fyrr en daginn sem helmingurinn af hárinu á mér fauk af og núna lít ég út fyrir að vera með krúttlega álf á hausnum á mér :S Æ fjandinn þetta vex og næst þegar ég fæ svona heimskulega hugmynd, plís plís !! einhver að gefa mér selbit í hausinn !

Ég kveð og svíf í burtu eins og sjal í vindi *yeahright*