sama gamla

Þá er maður mættur aftur í vinnuna sem þýðir að vikan er að verða búin :S vá hvað tíminn líður hratt, mér finnst alltaf vera helgi !

Fyrsta prófið var á fimmtudaginn og .... æ ég ætla bara sem minnst að segja um það hvernig mér gekk, þetta var alla veganna ekki hræðilegt en samt ekkert stórkostlegt :S Það kemur í ljós næsta fimmtudag hvernig þetta fór :Þ

Ég var alveg rosalega dugleg í morgun og tók strætó upp í Laugar af því Orri var á bílnum í skólanum :D Tók bara örfáar mínútur og hann stoppar bara rétt fyrir utan sundlaugina .... Svo þetta kemur nánast niður á sama fyrir mig því ég bý nánast á Hlemmi, labba út um dyrnar og beint inn í strætó .... Ég er alveg búin að halda nammibannið mitt líka, reyndar er það ekkert erfitt því mig hefur bara ekkert langað í nammi svo ég hef ekki einu sinni þurft að hugsa út í það, en það er samt nammidagur á morgun :Þ ætla að fá mér Ritter Sport súkkulaði með núggati *slurp* og kannski Djungelvral (eða hvernig sem það er skrifað) eða kannski ég verði bara dugleg og "baki" :Þ

Annars er bara frekar löng vakt í dad, mætti 13:30 og er til 22 ... Þetta er bara rétt rúmir 8 tímar en mér finnst þetta e-a hluta vegna mun lengra en að vera t.d. frá 8-16. Það er samt alveg rosalega rólegt hérna, bara 3 herbergi að koma í dag svo ég get bara lært .... eða hangið á netinu eins og ég er búin að gera síðustu 4 tímana :Þ

sin título

† † † † † † † † † † † † † † † † † † † † † † † † † † † † † † † † † † † † Á morgun eru komnir 3 mánuðir frá því að Erick dó. Það hefur ekki liðið sá dagur að mér sé ekki hugsað til hans og einhverra hluta vegna er þetta mér alveg rosalega erfitt í augnablikinu. Mér finnst svo erfitt að hafa ekki fengið að kveðja hann, þetta er svo óraunverulegt því að þetta gerðist svo langt í burtu og eina breytingin fyrir mig er bara að ég heyri ekki neitt í honum núna, sé bara nafnið hans á msn en veit að hann á aldrei aftur eftir að logga sig inn og spyrja hvernig la loca islandesa hafi það. Svo held ég að það að ég sé í spænskunámi hjálpi mér ekkert við að hugsa minna um þetta. Venezuela er mér enn ofar í huga núna heldur en það hefur verið undanfarin ár og ég er alltaf að fá þá hugmynd þegar ég þarf að gera einhvern verkefni að ég geti látið Erick kíkja yfir þetta fyrir mig ...... en svo man ég það aftur að það er ekki hægt. Ég hef heldur ekki fengið neinar fréttir meira af þessu máli, ekkert hvort að það var dæmt eða hvað var gert. Það gerir þetta líka enn verra, ég vil vita að mönnunum sem gerðu þeim þetta sé refsað. Ég vil ekki trúa því að landið sem ég elska svona mikið sé svona mikið bananalýðveldi að lögreglan sjálf þurfi ekki að sinna neinum reglum! Ég hef heldur ekkert heyrt í Jorge, vini mínum sem að sagði mér fréttirnar, frá því þetta kvöld. Það finnst mér rosalega óþægilegt, ég hef enga leið heldur til að fá fréttir af honum .... vona bara að hann eigi góða að sem hafa stutt hann. Ég bara varð að létta á hjartanu, líður aðeins betur. Einhverra hluta vegna finnst mér svo erfitt að tala um þetta, mér finnst þetta bara svo óraunverulegt þegar ég heyri sjálfa mig segja frá þessu, þetta verður bara fjarlægt, einhver sem ég þekkti aldrei, bara saga ... Ég vil ekki lesa þetta yfir svo bara fyrirgefið innsláttarvillur og ruglingslegt orðalag

jummi jummí

æ sökkí, í fyrsta sinn frá því ég færði mig yfir á blogspot þá kom ekki færslan sem að ég skrifaði ... ég veit reyndar afhverju, það var of langt frá því ég opnaði gluggann þangað til ég skrifaði bloggið og vistaði það svo ... þannig ég var búin að loggast út af :S En allaveganna, ég er búin að vera með hausverk í 3 daga !! Eða alveg frá því ég vaknaði á laugardagsnóttina alveg að deyja :S Það er reyndar líka mér að kenna (eins og bloggið), þetta er bara vöðvabólga ! Svo núna er ég búin að setja tölvuna mína og allt stöffið í bakpoka ! í staðinn fyrir að vera með þetta allt á annarri öxlinni :S En annað mál .... Ég og Orri erum komin með bústað í október :D ohh það verður æði að komast aðeins úr bænum :Þ Ég ætlaði að leigja bústað í gegnum VR en það gekk illa upp útaf vinnunni þannig að þær uppi í vinnu bentu mér á þennan stað ----> Gljúfur og þau áttu laust fyrir okkur :Þ og ekki bara það heldur gistum við þarna frá fimmtudegi til sunnudags en borgum bara fyrir 2 nætur :D Semsagt konan sem á þetta þekkir Gunni, mömmu Lovísu sem ég vinn hjá :Þ Já ég elska vinnuna mína :Þ En vá ég get bara ekki beðið eftir því að fara :D Ég er líka ógeðslega dugleg þessa dagana, fór að æfa í gær, mmmm það er svo gott. Manni líður svo vel eftir á, það er hreint út sagt undarlegt hvað maður er latur við það að koma sér af stað :S Svo er ég líka í nammibanni :S ég er í smá átaki í matarmálunum :S ég lifi bara á sykri og er eiginlega bara hálfgerður gikkur þegar kemur að mat. Þannig ég fór að kaupa í matinn í gær og keypti helling af mat sem MÉR finnst góður :Þ Þannig ég borða ekki bara hunangscherrios í öll mál !! Ég er á Hlöðunni núna að læra fyrir fyrsta prófið í spænsku ! Spænsk málfræði :S Vona að mér eigi eftir að ganga vel :Þ svolítið stressandi að fara í próf í spænsku því ég hef aldrei gert það áður. Ég hef bara lærði spænsku ekki svona af bókunum þannig að þetta eru svolítil viðbrigði fyirr mig :Þ Í tíma á fimmtudaginn þá vorum við að ræða spænska matargerð og ég var þá að segja frá mat sem er eldaður í Venezuela ... Það var bara hellings vesen því að þetta eru bara ekkert sömu orðin, það bara skyldi mig enginn :S af því það eru notuð allt önnur orð yfir hlutina á Spáni :S Ekki bara það heldur kann ég ekki heldur að beygja sagnir í Vosotros (þið) af því það er ekki notað í Venezuela :S já þetta er undarleg staða sem ég er í í dag :Þ Aníveis þá ætla ég bara að hafa kósý kvöld heima í kvöld. Við Orri ætlum að taka til :S Það hefur ekki verið vaskað upp í þónokkra daga því Orri var veikur :Þ og það er mannhæðar hátt fjall af diskum og stöffi inn í eldhúsi :Þ Svo er líka alveg kominn tími á smá tuskuaction hér og þar í íbúðinni :Þ Svo ætlum við að vera dugleg í kvöld og elda :Þ Fá okkur kjúlla og svo ætla ég að chilla ein í kvöld og horfa á Friends því Orri er að fara eitthvert út :Þ

smá nostalgía í gangi

Það er svo ótrúlegt að hugsa til þess að það séu komin rúm 3 ár frá því ég kom heim frá Venezuela. Þetta eina ár af þessu 21 ári sem ég hef lifað hefur sett alveg ótrúlegt mark á mig og einhvern veginn er allt sem gerðist á því ári mér mjög mikilvægt, bæði það góða og slæma. Þarna úti átti ég örugglega einn erfiðasta tíma lífs míns en í kjölfarið kom líka einn sá besti og ég á það að þakka alveg frábæru fólki sem var með mér þarna úti og yndislega fjölskyldan sem ég var hjá síðustu 4 mánuðina ! Ég hef varla skoðað myndirnar mínar frá því ég koma heim, alla veganna ekki þær sem eru frá því ég var hjá fyrri fjölskyldunni, hehe ég var sko enginn smá bolla þarna undir lokin hjá þeim :Þ Það er líka ótrúlegt hversu miklum tilfinningaböndum ég er bundin þessu fólki sem var með mér þarna úti. Ég var að fá slæmar fréttir af einni bandarískri vinkonu minni og einhverra hluta vegna þá líður mér bara alveg hræðilega að geta ekkert gert fyrir hana. æ ég bara varð að koma þessu frá mér, ég er að skoða myndaalbúm sem ein vinkona mín er með á netinu og þar eru yfir 500 myndir sem hún tók í Venezuela, mikið til sömu myndirnar og ég tók svo ég er bara í smá nostalgíukasti :Þ aumingja þið sem nenntuð að lesa :Þ

svona smá hérna fyrir þá sem vilja sjá þennan magnaða stað sem ég bjó á í ár http://jessvenezuela.fotopic.net/c364184.html

Hlutir sem við myndum aldrei vita ef ekki væri fyrir amerískar bíómyndir

• Í öllum lögreglurannsóknum þá er nauðsynlegt að fara á allavega einn strippstað.
• Þegar þeir eru einir finnst öllum útlendingum best að tala ensku við hvern annan
• Öll rúm eru með sértöku L laga laki sem ná upp undir armakrikann á konunni en aðeins að mittishæð á manninum sem liggur við hlið hennar.
• Lögreglustjórinn rekur oftast aðalrannsóknarlögreglumanninn eða gefur honum 48 tíma frest til að leysa málið.
• Allir innkaupapokar innihalda að minnsta kosti eitt stykki snittubrauð
• Það er ekkert mál fyrir hvern sem er að lenda flugvél svo lengi sem það er einhver sem geti leiðbeint honum hvernig eigi að gera það
• Loftræstikerfið í hvaða byggingu sem er er tilvalinn staður til að fela sig og engin mun nokkurn tíman leita þín þar. Þú getur svo farið um alla bygginguna án þess að nokkur taki eftir því
• Lögregludeildirnar setja menn sína í persónuleika próf til þess að geta sett þá með félaga sem er akkúrat andstæða þeirra.
• það er hægt að sjá Eiffelturnin úr hvað glugga sem er í París
• allar tímasprengjur eru með risa stórum skjá þar sem tölurnar telja niður í áberandi rauðum stöfum. svo þú getir vitað hvenær nákvæmlega þær munu springa
• það er nánast bókað mál þú munt vinna hvaða bardaga sem er nema þú sért búin að sýna einhverjum myndir af ástvinum þínum
• ef þig vantar að þykjast vera þýskur hermaður þarft þún ekki að tala þýsku- það er nóg að tala með þýskum hreim
• karlmaður mun ekki sýna nein sársaukamerki meðan að það er verið að berja hann í klessu en kippist til af sársauka þegar kona hreinsar sár hans
• þegar verið er að borga leigubíl þá áttu aldrei að líta í veskið þitt. kipptu einhverjum seðli út. það er pottþétt nóg fyrir farinu.
• Eldhús eru ekki með kveikjan og slökkva tökkum. þegar þú kemur inn í eldhús að nóttu til opnaðu þá eldhúshurðina og notaðu það ljós í staðin
• Ef að konur sofa í draugahúsi þá fara þær alltaf að skoða grunsamleg hljóð í flottustu og mest sexy undirfötunum sínum.
• mömmur elda nánast alltaf stóran mikin morgunmat alla morgna þó að fjölskylda þeirra hafa yfirleitt aldrei tíma til að borða hann
• bíll sem lendir í árekstri springur oftast í loft upp eða það kviknar allavega í honum
• öll símanúmer í bandaríkjunum byrja á 555
• ein eldspýta gefur frá sér nóg ljós til að lýsa upp heilan íþróttavöll
• Allir þeir sem vakna upp af martröð setjast strax upp beint í upprétta stellingu og mása
• það þarf ekki að segja hæ og bæ í upphafi og enda hvers símtals.
• jafnvel þegar keyrður er beinn vegur þá er það nauðsynlegt að hreyfa stýrið stanslaust aðeins til hægtri og vinstri
• það er alltaf hægt að finna stæði beint fyrir utan staðinn sem þig vantar að komast á
• það skiptir ekki máli þó að þú ert að berjast við marga í bardagaíþróttum- óvinir þínir bíða alltaf þolinmóðir og ráðast á þig bara einn og einn í einu og hinir dansa í kringum þig á meðan
• þegar manneskja er rotuð hlýtur hún aldrei varanlegan skaða af
• enginn sem tekur þátt í bílaeltingaleik, flugráni, sprengingu eða árás frá geimverum fer í sjokk og þarf á áfallahjálp að halda
• þegar búið er að setja á varalit helst hann þar alltaf... meira að segja þegar kafað er
• þú finnur alltaf keðju sög ef þig vantar slíka
• alla lása er hægt að opna með kreditkorti eða bréfaklemmu á nokkrum sekúndum... nema það sé hurð inni brennandi byggingu með barn lokað inni

Arggghhhh ég er veik í 2x á tveimur vikum :(

crazy people

hahahahahahaha þessa gullmola sá ég í kommentum á e-u bloggi, sumir ættu að fylgjast betur með í íslensku :Þ

Ég alla vega ligg undir þeim grun að þetta hafi verið þú við skulum ekki beita til neins ofbeldi þá verðum við bara að beita til ofbeldis

Hey og hvað er málið með fólkið sem að mætir í Laugar en nennir svo ekki að labba frá bílastæðunum sem eru aðeins lengra frá og leggur því út um allt þarna sem næst húsinu .... ER ÞAÐ HVORT SEM ER EKKI Á LEIÐINNI Í GYMMIÐ ... af hverju getur það ekki labbað upp að húsinu ???? Og fyrst við erum byrjuð á þessu ... Af hverju eru lyklaborðin á tölvunum uppi á Hlöðu þau háværustu sem til eru !!! Maður fær bara fyrir hjartað þegar maður byrjar að pikka inn !

Nóg af nöldri í bili Íris out

I've been klukked

Ég hef verið klukkuð ! sem þýðir víst að ég þarf að deila hérna með ykkur 5 ó(merkilegar) staðreyndir um sjálfa mig :) 1. Ég heiti Íris .... Af hverju? Ég sá það nú einhvers staðar í svona bók sem foreldrar skrifa í um börnin sína að ég hefði bara verið skírð út í loftið. Ég man að ég varð mjög móðguð af því María er skírð í höfuðið á ömmu :Þ en ég er búin að jafna mig núna :D Það eru líka alveg ógnarmargar Írisar fæddar á þessum tíma, mamma og pabbi neita samt alveg fyrir það að hafa verið að fylgja tískusveiflum, þau hafi bara ekki fattað þetta fyrr en eftir á. Ég var þó það heppin að fá ekkert seinna nafn svo ég heiti BARA Íris (ég hef verið lesin svona upp í tímum !) 2. Ég þjáist af röskun :Þ já örugglega eitthvað borderline dæmi. Ég er skipulagsbrjáluð ! Ég er með súpersystem á öllum fjandanum, glósunum mínum, vöktunum, stundaskrám, bókhaldi og svo framvegis framvegis framvegis. Ég tek mig meira segja til og skipulegg fyrir aðra, bara af því mér finnst það svo gaman. Ég skrifa niður lista oft á dag yfir hitt og þetta og skipulegg þá. Þetta lýsir sér líka í því að ég verð óróleg þegar ég hef ekki tölvuna mína við hendina eða dagbókinja :Þ Samanber það þegar tölvan mín var í viðgerð í 5 vikur í sumar ! Það ætlaði alveg að fara með mig :Þ 3. Mér finnst gos, skyndibitamatur, flest nammi, snakk og kjöt vont. Ég elska hins vegar súkkulaði meira en allt annað. Ætli þetta sé fíkn. Mér finnst vatn það besta sem ég drekk og grænmeti og grænmetisréttir það besta sem ég borða .... Já ég kenni súkkulaðinu algjörlega um aukakílóin :Þ 4. Ég er með fóbíu fyrir hurðahúnum (sérstaklega á almenningsklósettum) og stigahandriðum. Þetta þróðaði ég algjörlega með mér úti í Venezuela þar sem hreinlætið var ekki alltaf það besta :Þ Þannig ég reyni alltaf að sleppa því að koma við handrið þegar ég labba upp og niður tröppur. Ég reyni svo að sleppa því að koma við hurðarhúna á klósettum með öllum mögulegum aðferðum en sú sem hefur virkað best er að setja höndina inn í ermina og opna hana þannig :Þ Sko ef maður er búin að þvo sér um hendur og tekur síðan í hurðarhúninn þá fær maður á sig alla sýklana frá þeim sem að hafa ekki þvegið sér um hendurnar því jú ALLIR þurfa að taka í húninn ! 5. Ég fæ að heyra það að sé svolítið frek, ógurlega tilfinningasöm og get grenjað yfir öllum fjandanum, merkilegu og ómerkilegu, sorglegu og skemmtilegu. Ég held ég mixi bara saman tilfinningunum og endi þannig með því að sýna undarleg viðbrögð við ýmsum hlutum :Þ Jæja þá eruð þið fróðari um mig :Þ Ég ætla næst að klukka hana Bekku, Selmu og svo Evu sálfræðiskvísu ef hún skyldi kíkja hérna inn :Þ

allt í svo ljómandi gúddí : )

Tíminn líður alveg ótrúlega hratt ! Á fimmtudaginn var komið ár frá því ég og Orri fengum íbúðina afhenta. Í hausnum á mér eru liðið miklu lengra frá því þetta var. Það hefur bara svo margt breyst og það allt bara til hins betra :) Mér finnst ég eiginlega bara vera orðin allt önnur manneskja heldur en 15. sept 2004, þá var ég að byrja í sálfræði, algjörlega lost, nýbúin að kaupa mér íbúð sem ég hafði ekki tíma til að flytja inn í :Þ Annars hef ég það meira en frábært þessa dagana, mér finnst svo gaman að vera byrjuð í skólanum og það eina sem mætti fara betur er aginn .... Svona svo ég fari að mæta í ræktina á morgnana áður en ég fer upp á Hlöðu, það er alveg draumurinn minn. Ég ætti kannski lítið að tala um þessa blessuðu rækt þar sem ég hef mætt ansi stoppult, ég kenni um 2x permanetti og vaxinu líka :Þ svo var ég líka veik :S Svo sit ég hérna í vinnunni og var að úða í mig súkkulaðikökusneið, pönnuköku með sykri og pönnuköku með sultu og rjóma ! Svona er það þegar það býr amma í húsinu sem að maður vinnur í, þær verða bara að gefa manni að borða ! :D Það er ekkert að gera hjá mér í vinnunni í augnablikinu svo ég er að spá í að taka fram bækurnar og reyna að stauta mig í gegnum þennan endalausa texta með orðum sem ég skil ekki baun ! Þetta er verra heldur en sálfræðin, þar skildi ég alla veganna eitthvað í því sem ég las !

Mér er spurn

Hvað gerir orlofsnefnd húsmæðra ??

bara þrugl

Gamalt fólk sem notar strætó eru hetjur í mínum huga ! Maður fær bara nánast harðsperrur af því að reyna að halda sér í sætinu þegar maður er í strætó hérna í miðborginni :Þ Mér finnst strætó annars ágætur, það er hundleiðinlegt að keyra í þessari traffík og sérstaklega núna þegar það er lokað út um allt ! Ohhh mig langar að hafa svona strætó á Íslandi :Þ Það er komið að törn 2 í OC maraþoni Írisar og Kristínar :Þ Hún verður í kvöld :D svo verður ANTM skotið inn á milli :Þ Skólinn er kominn af fullt skrið og vá það er svo gott. Mér finnst ég bara vera komin heim :Þ Líður bara alveg undarlega vel á háskólasvæðinu :Þ vá hvað geri ég þegar ég klára námið mitt ! Ég verð eilífðarháskólanemi :) Planið er að fara í yoga upp í Laugum á eftir en ég er e-ð tortryggin á það .... Yoga á stað þar sem maður má varla vera í mislitum sokkum :S Undarlegt mix .... ég ætla samt að reyna að fara ef að ég verð búin að læra fyrir málnotkunina á morgun : /

kósý OC kvöld

Ég vaknaði í morgun ansi hress svo vonandi er ég bara laus við alla flensu :D Það var æðislegt hjá okkur Orra í gær :D Nenntum reyndar ekki að elda heldur pöntuðum á Nings :Þ Ég borðaði svoooo mikið yfir mig ! Ég þurfti að panta stór box af báðum réttunum svo þetta yrði nóg til að fá heimsent (já við vorum of löt til að keyra upp á Suðurlandsbraut :Þ) en svo gleymdi ég að ég hefði pantað mér stórann rétt og borðaði hann ALLAN + FRANSKAR ! Ég var bókstaflega afvelta !!!! OC, þriðja serían byrjar vel :Þ eða ekki þannig að söguþráðurinn sé endilega allur á happynótum eða þannig heldur held ég bara að þetta verði hin fínasta sería :Þ Ohhhh ég verð að kynnast e-m sem er svona mikið OC fan eins og ég og er að horfa á þetta !!! Óþolandi að þurfa að bíða í heila viku eftir næsta þætti, eða næstum. Þetta er sýnt á fimmtudögum úti, þannig það eru bara 5 dagar í næsta þátt :Þ Jæja nóg af ruglinu, í dag verður það bara læra læra læra til að vinna upp tapaðann tíma yfir vikuna :S Þetta er sko alveg slatti ! Það er bara í háskólanum þar sem maður getur lent alveg helling á eftir eftir bara fyrstu vikuna ! en þetta er þó mun skárra í spænskunni heldur en annars staðar, ég er bara einfaldlega ekki með svo þykkar bækur að það sé hægt að setja fyrir e-r 100 bls :) Eníhú ..... bæbæ

smá færsla í tilefni þess að það eru 105 dagar til jóla :Þ

Það var mjög gaman á nýnemakvöldinu hjá spænskunni, bara frekar kósý :Þ Einhvern veginn allt öðruvísi og mun persónulegra heldur en sálfræðin. Var ekki með myndavél svo engar myndir :S En alla veganna ég var samt bara hundveik og fór heim um 11leytið :( og er síðan þá bara búin að hanga hérna heima veik :( Ég hef ekki komist að æfa vikum saman og það er svo pirrandi :( En þetta hlýtur að fara að lagast, mér líður betur í dag og vonandi verð ég bara orðin hress á mánudaginn :) Annars er framundan mjög kósý kvöld hjá mér. Loksins er hvorki ég né Orri að vinna svo við getum kannski eldað og borðað saman :) Svo er OC fyrsti þátturinn í 3. seríu alveg að koma inn svo við getum horft á hann í kvöld :D Vá get ekki beðið að sjá hvernig þessi sería byrjar eftir endann á seríu 2 ....... hmmm segi ekki meira svo maður skemmileggi nú ekki fyrir þeim sem eru að byrja á henni :Þ Familiían mín og svo stórfjölskyldan eru að gera svaka plön um áramótin. Fjölskyldan mín er sko alveg súpersamheldin svo að við ætlum öll, rúmlega 30 manns að fara á Apavatn um áramótin ! Svolítið spes en mér finnst þetta bara frábært, áramótin hafa líka endað hálf sukkí svona undanfarin ár svo þetta verður fín tilbreyting :Þ Svo ætlum við fjölskyldan að vera upp í bústað um jólin, svo ég verð í burtu alveg frá svona 21. des til 1.jan ! Orri verður reyndar heima um jólin en hann kemur líklegast til okkar e-n tímann milli jóla og nýárs og fer svo með okkur á Apavatn og eyðir áramótunum með mér :D Það verður svo gott að hafa hann :Þ og líka skrítið að vita til þess að á aðfangadagskvöld verður hann með fjölskyldunni sinni en fer svo heim til okkar og verður bara einn ! en allaveganna þá er ég örugglega sú eina sem er farin að plana jólin :Þ Mér finnst bara svo æðislegt að fara úr bænum á þessum tíma :Þ eníhús ég ætla að reyna að fara að læra smá. Ætlaði að læra rosalega mikið í dag en svo fór dagurinn bara í að búa til rosa flott skjal þar sem ég er búin að skipuleggja alla heimavinnu sem ég þarf að gera í hverri viku fram að jólum ! Já ég veit ég er skipulagsbrjáluð .... held ég hafi fengið þetta frá mömmu :*

nammi nammi

Costa Rica, Cuba, Argentina :D mmmm já ég er að láta mig dreyma .... Þessi lönd auk Spánar eru með stúdentaskipti við HÍ .... Mig langar !!!! Fyrsta vikan hefur bara gengið alveg með ágætum :Þ Stöku stress og vesen með stofur en allt hefur reddast :D Mér líst alveg rosalega vel á þetta, mikil vinna og allt öðruvísi en sálfræðin á svo marga vegu. Öll námskeiðin fara fram á spænsku og ég skil kennarana bara mjög vel, ég hélt að það yrði meira mál. Nýnemadjammið er í kvöld og ég ætla sko ekki að vera veik ! Ég er með þessa sömu %&#$# kinnholusýkingu og ég var með fyrir ári síðan og þá tók það mig 4 mánuði að losna við þetta ! Og ég gat ekkert æft eða neitt á meðan því ég var bara alltaf slöpp og svona fljótandi á gráu skýi :S En jæja í kvöld ætla ég sko ekki að vera veik, hef engan tíma til þess, því það er bara sangría og spænskunemadjamm sem kemst að .... þessi veikindi mín verða bara að bíða.

gaman í spænsku :)

Jæja skólinn er byrjaður á fullu en þó ekki að öllu áfallalaust :Þ Á hverjum einasta degi er ég búin að lenda í veseni með að finna þær stofur sem ég á að mæta í enda eru þær nú ekkert á eðlilegum stöðum, ein er í kjallara Aðalbyggingarinnar og í dag mætti ég í tíma í stofu sem er í Þjóðminjasafninu :Þ Svo er ég líka búin að vera veik frá því á mánudaginn og lá bara heima meiri hluta gærdagsins :S Ég hef bara ekki tíma fyrir e-n slappleika og er þess vegna í skólanum í dag. Annars líst mér alveg stórvel á þetta allt saman, þetta verður hörkuvinna. Allt öðruvísi nám en sálfræðin og reynir á aðra hluti. Ég þarf að skila inn ritgerðum á spænsku í öllum fögunum og einnig eru einhver munnleg verkefni svo þetta verður áskorun ! Á morgun er, að mig minnir, fyrsta spænskunema get2getherið :Þ Það er á Café Cultura sem er svo vel við hæfi :D Mér tókst líka loksins að velja mér gleraugu :Þ og ég fæ þau þegar pabbi fer út 10. okt. Ég þarf semsagt að hanga með þessu gömlu, hrikalega sjúskuðu og beygluðu í mánuð í viðbót : / Jæja ég þarf víst að drífa mig í tíma, Menning, þjóðlíf og saga Spánar eftir korter :) Verst að ég hef aldrei komið til Spánar !

ekki lengur reið :D

Ég skrifa reiðipósta morgunsins á stress, pirring og flensu sem er að plaga mig :Þ Já ég er mun rólegri núna :D Ég mætti í fyrsta tímann minn í dag og er því orðinn spænskunemi :D Þetta var bara mjög fínt, allt önnur spænska en ég tala en samt í lagi :) Þetta var semsagt tími í Menningu, sögu og þjóðlífi Spánar (ég hef aldrei komið til Spánar !) Eftir tíma brunaði ég svo inn í Smáralind að finna mér nýja gleraugnaumgjörð. Það er sko alveg komin tími til að endurnýja þau :S Er búin að eiga þau sömu frá því í 9.bekk ! Góð nýting samt :Þ Reyndar hefur sjónin lítið versnað svo það er ekki málið :D En aníveis fann nokkrar sem ég fékk að taka með heim svo ég þarf að spögulera í kvöld hverja ég ætla að kaupa. Ég fékk mömmu líka með mér í smá leiðangur að finna einhver efni fyrir svona krulluhár, það er annars svo úfið greyið. Jæja ég ætla að fara að koma mér af stað, ég er að fara að hitta Steffi, skiptinemann sem ég ætla að aðstoða þessa önnina.

Orsökin fundin :(

Jæja búin að finna bréfið :( Og ástæðan fyrir því að ég fékk það aldrei var sú að einhver #$%&$$#%% hérna í blokkinni setti það með póstinum sem enginn á :( Það er svona dallur þarna niðri með pósti sem enginn í húsinu á. Það er alltaf að berast svona póstur hingað og af því sú sem ber út kemur ekki inn á ganginn heldur er þetta bara sett í gegnum lúgu þá er þetta aldrei tekið og þarna er bréfið mitt búið að vera í næstum 2 vikur !

helv*****, djöf******, fjan****

Djöfull er ég ógeðslega reið og fúl núna :( Það var nýnemafundur í spænskunni síðasta föstudag og ég vissi ekki af honum af því að tilkynningin var bara inn á vef hugvísindadeildar og ég hef bara ekkert kíkt á hann !!!! Djöfull er þetta fúlt :C Svo var líka fundur og partý fyrir tengiliði og skiptinemana á föstudaginn. Emailið var sent út kl. 18 á föstudaginn og ég sá það ekki fyrr en að verða 11 um kvöldið og þá var ég bara að fara að sofa af því ég var búin að samþykkja að taka aukamorgunvakt upp á Sunnu :S ohhhh ég er svoooooo fkn fúl að mig langar til að berja eitthvað :( Ég þoli ekki að hafa misst af þessum fundi, það er bara svo asnalegt, þeir hljóta að hafa sent líka bréf um þetta í pósti, það getur ekki verið að maður hafi bara átt að ramba á þetta þarna ! En ef þeir sendu bréf í pósti af hverju í fjandanum fékk ég það ekki :( Ohh og víst ég er byrjuð að pirra mig þá ætla ég bara að halda áfram, ég er ekki enn búin að fá borgað út námslánið og ég næ ekki í neinn hvorki hjá LÍN né Nemendaskránni til að fá að vita af hverju það er :( svo ég þurfti að hringja í bankann og framlengja þessum blessaða yfirdrætti einu sinni enn ..... Djöfull ég er svo fúl að mig langar ekkert í þennan fjandans skóla sem er svo mikið bákn að það er aldrei hægt gera neitt almennilega ! Djöfulsins ......................... Og ofan á allt saman þá líður mér bara ömurlega, er annað hvort að fá e-a helv flensu eða að gera útaf við sjálfa mig af stressi, fékk ógeðslega martröð í nótt og er með helv hausverk ...........

lítið að gerast

hehe já það er ekki mikið að gerast hjá mér en þessi síða er e eitt af því sem að skemmtir mér þessa dagana. Þetta eru photoshopaðar myndir fyrir og eftir. http://glennferon.com.nyud.net:8090/portfolio1/index.html 3 dagar í skólann :Þ og mín er orðin smá stressuð :S